ప్రభాస్
ఆదిపురుష్(Adipurush) రిలీజ్ అయినప్పటి నుంచి కనీసం మీడియా కంట కూడా పడటంలేదు ప్రభాస్. ఆదిపురుష్ ప్రమోషన్స్ కూడా చేయలేదు డార్లింగ్. ఒక్క ఇంటర్వ్యూ కూడా ఇవ్వలేదు. సక్సెస్ మీట్ కూడా చేయలేదు. తిరుపతిలో జరిగిన ప్రీ రిలీజ్ ఈవెంట్ తర్వాత ప్రభాస్ మాయం అయిపోయాడు. అయినా ఆదిపురుష్ బాక్సాఫీస్ దగ్గర దూసుకుపోతోంది. అయితే ఇండస్ట్రీ వర్గాల ప్రకారం.. డార్లింగ్ ఇటలీలో ఉన్నట్టు తెలుస్తోంది. మొన్నటి వరకు నాన్‌స్టాప్ షూటింగ్‌తో బిజీగా ఉన్న ప్రభాస్.. ప్రస్తుతం రెస్ట్‌ మోడ్‌లో ఉన్నాడట. ఇటలీలో వెకేషన్‌ను ఎంజాయ్ చేస్తున్నాడట. ప్రభాస్‌కు విదేశాల్లో పెద్ద మొత్తంలో ఆస్తులు ఉన్నాయి. అయితే ప్రభాస్‌కు బాగా నచ్చిన దేశాల్లో ఇటలీ కూడా ఒకటి. అందుకే ఇటలీలో డార్లింగ్‌కు ఒక లగ్జరీ విల్లా ఉందట.
చదవండి: SPY Trailer : నిఖిల్ ‘స్పై’ ట్రైలర్ రిలీజ్
ఆధునిక సౌకర్యాలతో కూడిన ఆ విల్లాలో అనేక గదులు ఉన్నాయట. ప్రభాస్ ఇటలీకి వెళ్తే.. ఆ విల్లాలోనే ఉంటాడట. అయితే ప్రభాస్ ఎక్కువగా ఇండియాలోనే ఉంటాడు కాబట్టి.. ఆ విల్లాలో కొంత భాగం రెంట్‌కు ఇచ్చాడట. దాని అద్దె నెలకు 40 లక్షల వరకు ఉంటుందని తెలుస్తోంది. ఇది విన్న తర్వాత ఆ విల్లా ఎంత లగ్జరీగా ఉందో అర్థం చేసుకోవచ్చు. ప్రస్తుతం ప్రభాస్ విల్లా రెంట్ న్యూస్ సోషల్ మీడియాను షేక్ చేస్తోంది. మామూలుగా ప్రభాస్‌కు ఇటలీ అంటే చాలా ఇష్టం. అందుకే ఫ్రీ టైం దొరికితే చాలు.. ఫ్రెండ్స్‌తో కలిసి ఇటలీకి వెళ్తుంటాడు. అందుకే ఇప్పుడు ఇటలీలోనే ఉన్నట్టు టాక్. ఇకపోతే.. ప్రస్తుతం ఆదిపురుష్‌తో సందడి చేస్తున్న ప్రభాస్.. సెప్టెంబర్ 28న సలార్‌తో బాక్సాఫీస్ దగ్గర కొత్త హిస్టరీ రాసేందుకు రెడీ అవుతున్నాడు. ఆ తర్వాత సంక్రాంతికి ప్రాజెక్ట్ కె రిలీజ్ కానుంది. ఆ తర్వాత 2024 సమ్మర్‌లో మారుతి సినిమా థియేటర్లోకి వచ్చే ఛాన్స్ ఉంది.
