Pawan OG release date fixed?
OG release date: ప్రస్తుతం పవన్ చేస్తున్న సినిమాల్లో ఓజి పై భారీ అంచనాలున్నాయి. ప్రభాస్ ‘సాహో’ తర్వాత యంగ్ డైరెక్టర్ సుజీత్ డైరెక్ట్ చేస్తున్న ఈ సినిమా ముంబై బ్యాక్ డ్రాప్‌లో హై ఓల్టేజ్ యాక్షన్ ఎంటర్టైర్‌గా ఈ సినిమా తెరకెక్కుతోంది. ఇప్పటికే రిలీజ్ అయిన హంగ్రీ చీతా ఫస్ట్ గ్లింప్స్ సినిమా పై అంచనాలను పీక్స్‌కు తీసుకెళ్లింది. ఇప్పటికే ఈ సినిమా షూటింగ్ చివరి దశకు చేరుకుంది. పవన్ పాలిటిక్స్ కారణంగా ప్రస్తుతం షూటింగ్ బ్రేక్‌లో ఉంది ఓజి. దీంతో ఈ సినిమా షూటింగ్ ఎప్పుడు కంప్లీట్ అవుతుంది? ఎప్పుడు రిలీజ్ అవుతుంది? అనే క్లారిటీ లేకుండా పోయింది. కానీ తాజాగా ఓజి రిలీజ్ డేట్ లాక్ అయినట్టుగా తెలుస్తోంది. ముందు నుంచి ఓజి మూవీ ఈ ఏడాది ఆగస్ట్ లేదా సెప్టెంబర్‌లో రిలీజ్ అయ్యే ఛాన్స్ ఉందని వినిపించింది. ఇప్పుడు సెప్టెంబర్ 27న లాంగ్ వీకెండ్ కలిసి వచ్చేలా రిలీజ్ డేట్ ఫిక్స్ చేసినట్టుగా తెలుస్తోంది.
చదవండి:Anupama Parameswaran: షాకింగ్.. అనుపమా పరమేశ్వరన్ పెళ్లి చేసుకుందా?
ఇప్పటికే పవన్ లేని సీన్స్ కంప్లీట్ చేశాడు సుజీత్. పవన్ ఓ 15 రోజులు డేట్స్ ఇస్తే చాలు.. షూటింగ్ కంప్లీట్ అయిపోతుందట. ఏపి ఎన్నికలు అయిపోగానే పవన్ డేట్స్ ఇస్తే వెంటనే ఓజిని పూర్తి చేసి అనుకున్న సమయానికి రిలీజ్ చేయడానికి ప్లాన్ చేస్తున్నారు. ఈ సినిమాను డివివి దానయ్య భారీ బడ్జెట్‌తో నిర్మిస్తున్నారు. ప్రియాంక ఆరుల్ మోహన్ హీరోయిన్‌గా నటిస్తుండగా, బాలీవుడ్ యాక్టర్ ఇమ్రాన్ హష్మీ విలన్‌గా నటిస్తున్నాడు. తమన్ మ్యూజిక్ అందిస్తున్నాడు. చివరగా బ్రో సినిమాతో ప్రేక్షకుల ముందుకు వచ్చిన పవన్.. ఈ ఏడాదిలో ఓజిగా ఆడియెన్స్ ముందుకు రాబోతున్నాడు. దీంతో పవన్ ఫ్యాన్స్ ఫుల్ ఖుషీ అవుతున్నారు.
చదవండి:Janhvi Kapoor: డ్యాన్స్ ఇరగదీసిన జాన్వీ.. దేవరలో మామూలుగా ఉండదా?
