పవర్ స్టార్ పవన్ కళ్యాణ్ స్పీడ్ చూసి ఫుల్ ఖుషీ అవుతున్నారు అభిమానులు. ఇటీవలె మొదలైన తమిళ బ్లాక్ బస్టర్ ‘వినోదయ సీతమ్’ రీమేక్‌ షూటింగ్‌ను అనుకున్న సమయానికి కంప్లీట్ చేసేశారు పవన్. సముద్రఖని దర్శకత్వంలో తెరకెక్కుతున్న ఈ సినిమాను.. జులై 28న సినిమాను విడుదల చేసేందుకు సన్నాహాలు చేస్తున్నారు. ఇక ఈ సినిమా షూటింగ్ అయిపోవడమే ఆలస్యం.. ఉస్తాద్ భగత్‌సింగ్, ఓజి దర్శకులు పరుగులు పెట్టేందుకు రెడీ అవుతున్నారు. ముందుగా హరీష్ శంకర్ ‘ఉస్తాద్ భగత్ సింగ్’ షూటింగ్‌ని స్టార్ట్ చేయబోతున్నారు. ఇప్పటికే పవర్ స్టార్.. ఈ ప్రాజెక్ట్ కోసం బల్క్ డేట్స్ ఇచ్చినట్టు తెలుస్తోంది. మొత్తంగా పవన్ 90 రోజులు కేటాయించినట్టు సమాచారం. ఏప్రిల్ ఫస్ట్ వీక్‌లో సెట్స్ పైకి తీసుకెళ్లేందుకు రెడీ అవుతున్నారు మైత్రీ మూవీ మేకర్స్. ఇక ఈ సినిమా ఓ షెడ్యూల్ అయిపోగానే.. సుజీత్ ‘ఓజి’ మొదలు పెట్టేందుకు రెడీ అవుతున్నారు. ప్రస్తుతం లొకేషన్‌ వేటలో ఉన్నాడు సుజీత్. ఈ సినిమా కథ ముంబైలో జరుగుతున్న నేపథ్యంలో.. ఓజి టీమ్ అక్కడే లొకేషన్లు ఫైనల్ చేసే పనిలో ఉంది. ఇలా ఈ రెండు సినిమాలు బ్యాక్ టు బ్యాక్ షూటింగ్‌కు రెడీ అవుతున్నాయి. అయితే క్రిష్ ‘హరిహర వీరమల్లు’ షూటింగ్ గురించి ఎలాంటి అప్డేట్స్ రావడం లేదు. కానీ ఉస్తాద్, ఓజిలతో పాటే.. వీరమల్లు షూటింగ్ కూడా ఫినిష్ చేయబోతున్నట్టు తెలుస్తోంది. వీలైనంత త్వరగా ఈ సినిమాలను పూర్తి చేసి.. రాజకీయాలపై ఫోకస్ చేయాలని చూస్తున్నారు పవన్. ఏదేమైనా.. పవన్ నుంచి బ్యాక్ టు బ్యాక్ సినిమాలు రావడం పక్కా అని చెప్పొచ్చు.
