Official.. 'Pushpa 2' release date fixed!
Pushpa 2: పుష్ప సినిమా బాక్సాఫీస్ దగ్గర సెన్సేషన్ క్రియేట్ చేసింది. అందుకే ఈసారి అస్సలు తగ్గేదేలే అంటున్నారు బన్నీ, సుకుమార్. పెరిగిన అంచనాలకు ఏ మాత్రం తగ్గకుండా భారీ బడ్జెట్‌తో తెరకెక్కిస్తున్నారు మైత్రీ మూవీ మేకర్స్. ఇప్పటికే రిలీజ్ చేసిన పుష్ప2 వీడియో అంచనాలను పీక్స్‌కు తీసుకెళ్లిపోయింది. ముఖ్యంగా బన్నీ అమ్మవారు గెటప్ అయితే ఊహకందని విధంగా ఉంది. ఇక రీసెంట్‌గా బన్నీ నేషనల్ అవార్డ్ రావడంతో పుష్ప2 పై అంచనాలు ఓ రేంజ్‌లో పెరిగిపోయాయి.
చదవండి: KGF బ్యూటీకి బంపర్ ఆఫర్.. బాలయ్యతో ఛాన్స్?
పుష్ప2 వెయ్యి కోట్ల బొమ్మ అని ట్రేడ్ వర్గాలు ఫిక్స్ అయిపోయాయి. దీనికి తోడు మధ్య మధ్యలో షూటింగ్ నుంచి లీక్ అవుతున్న అప్డేట్స్, స్టిల్స్, వీడియోలు పుష్పరాజ్ వెయ్యి కోట్ల విధ్వంసానికి నాందిలా ఉన్నాయి. ఈ సినిమాను ఎప్పుడు రిలీజ్ చేస్తారనే విషయంలో మాత్రం క్లారిటీ లేదు. ఫైనల్‌గా పుష్ప2 రూలింగ్ డేట్ బయటకొచ్చేసింది. కొడితే కుంభస్థలాన్ని కొట్టాలన్నట్టుగా సాలిడ్ డేట్‌ను లాక్ చేశారు మైత్రీ మూవీ మేకర్స్ వారు. ఇండిపెండెన్స్ డే సందర్భంగా 2024 ఆగష్టు 15న ‘పుష్ప2’ రిలీజ్ చేస్తున్నట్టుగా అదిరిపోయే పోస్టర్‌తో ప్రకటించారు.
ఆగష్టు 15 మిడ్ వీక్ కానుంది. గురువారం రోజు పుష్పరాజ్ థియేటర్లోకి వస్తే.. సండే వరకు నాలుగు రోజుల్లోనే ఊహించని వసూళ్లను రాబట్టడం గ్యారెంటీ. ఖచ్చితంగా ఫస్ట్ వీకెండ్‌లోనే 500 కోట్ల మార్క్‌ను ఈజీగా టచ్ చేస్తుందని చెప్పొచ్చు. ఇక నేషనల్ క్రష్ రష్మిక మందన హీరోయిన్‌గా నటిస్తున్న ఈ సినిమాలో మళయాళ హీరో ఫాహద్ ఫాజిల్ విలన్‌గా నటిస్తున్నాడు. రాక్ స్టార్ దేవిశ్రీ ప్రసాద్ సంగీతం అందిస్తున్నాడు. పుష్ప పార్ట్ వన్ మ్యూజిక్ ఆల్బమ్ సెన్సేషన్‌గా నిలిచింది. పైగా దేవిశ్రీకి నేషనల్ అవార్డ్ కూడా వచ్చింది. దీంతో పుష్ప2 ఆల్బమ్ పై నెక్స్ట్ లవెల్ అంచనాలు ఉన్నాయి.
