Bumper offer for KGF beauty.. Chance with Balayya?
KGF: అఖండ, వీరసింహారెడ్డి సినిమాలతో బ్యాక్ టు బ్యాక్ బ్లాక్ బాస్టర్ అందుకున్న బాలయ్య.. దసరాకు మరో హిట్‌ను తన ఖాతాలో వేసుకోవడానికి వస్తున్నారు. ప్రస్తుతం బాలయ్య సక్సెస్‌ఫుల్ డైరెక్టర్ అనిల్ రావిపూడితో ‘భగవంత్ కేసరి’ అనే సినిమా చేస్తున్నారు. బాలయ్య సరసన కాజల్ అగర్వాల్ నటిస్తుండగా.. యంగ్ బ్యూటీ శ్రీలీల కీ రోల్ ప్లే చేస్తోంది. అనిల్ రావిపూడి మార్క్ టచ్‌తో యాక్షన్ ఎంటర్టైనర్‌గా తెరకెక్కుతున్న ఈ సినిమా.. అక్టోబర్ 19న రిలీజ్ కానుంది.
చదవండి: Samyuktha Menon : డెవిల్‌లో సంయుక్తా మీనన్ లుక్ చూశారా?
ఆ సినిమా తర్వాత వాల్తేరు వీరయ్య బ్లాక్ బస్టర్ కొట్టిన డైరెక్టర్ బాబీతో ఓ ప్రాజెక్ట్ చేయనున్నారు బాలయ్య. ఇప్పటికే అఫీషియల్ అనౌన్స్మెంట్ కూడా ఇచ్చేశారు. త్వరలోనే ఈ సినిమా సెట్స్ పైకి వెళ్లనుంది. ఇప్పటికే బాలయ్య కోసం పవర్ ఫుల్ కథ రాసుకున్నాడు బాబీ. అయితే ఈ సినిమాలో హీరోయిన్ ఎవరనే విషయంలో.. ఇంట్రెస్టింగ్ న్యూస్ ఒకటి వైరల్‌గా మారింది. ఈ సినిమాలో కేజీఎఫ్ బ్యూటి శ్రీనిధి శెట్టి హీరోయిన్‌గా ఫైనల్ అయిందనే టాక్ నడుస్తోంది. ఇదే నిజమైతే శ్రీనిధికి ఇది బంపర్ ఆఫర్ అనే చెప్పాలి.
మోడల్‌గా కెరీర్ స్టార్ట్ చేసిన శ్రీనిధి శెట్టి.. ‘కేజీఎఫ్’ వంటి సెన్సేషనల్ మూవీతో హీరోయిన్‌గా ఎంట్రీ ఇచ్చింది. ఫస్ట్ సినిమాతోనే అమ్మడు పాన్ ఇండియా స్టార్ డమ్ అందుకుంది. అనుకున్నంత స్థాయిలో అవకాశాలు అందుకోలేకపోయింది. కెజియఫ్ తర్వాత విక్రమ్ సరసన ‘కోబ్రా’ అనే చిత్రంలో నటించింది. కానీ ఈ సినిమా బాక్సాఫీస్ దగ్గర బోల్తా కొట్టేసింది. దీంతో అమ్మడు ఎక్కడా కనిపించకుండా పోయింది. ఇప్పుడు బాలయ్యతో ఛాన్స్ అందుకుందని అంటున్నారు. ఈ విషయంలో మేకర్స్ నుంచి అఫీషియల్ అనౌన్స్మెంట్ రావాల్సి ఉంది.
