టాలీవుడ్ యంగ్ హీరో నిఖిల్ సిద్దార్థ (Nikhil Siddhartha) కార్తికేయ 2తో (Karthikeya 2) పాన్ ఇండియా హీరో అయిపోయాడు. ఆ తర్వాత 18 పేజెస్ సినిమాతో ఒక లవర్ బాయ్ అనిపించుకున్నాడు. రెండు సినిమాలు విజయం సాధించిన తర్వాత తాజాగా స్పై (SPY) అనే మూవీతో ప్రేక్షకుల ముందుకు రాబోతున్నాడు. మరోసారి పాన్ ఇండియా మార్కెట్‌ని నిఖిల్ టార్గెట్ చేశాడు. తాజాగా ఈ మూవీ నుంచి ఫస్ట్ గ్లింప్స్ వీడియో రిలీజ్ అయ్యింది. ఇటీవల ఫ్రీడమ్ ఫైటర్ సుభాష్ చంద్రబోస్ (Subhas Chandrabose) మరణం వెనుక ఉన్న రహస్యాలు ఆధారంగా ఈ సినిమా తెరకెక్కుతోందని మేకర్స్ ప్రకటించారు. దీంతో ఈ మూవీపై భారీ అంచనాలు నెలకొన్నాయి.
నిఖిల్ ‘స్పై’ టీజర్ :
తాజాగా ఈ మూవీ టీజర్ ని చిత్ర యూనిట్ రిలీజ్(Teaser Release) చేసింది. దేశ రాజధాని ఢిల్లీలోని సుభాష్ చంద్రబోస్ విగ్రహం వద్ద ఉండే కర్తవ్యపథ్ దగ్గర స్పై మూవీ టీజర్ ను మేకర్స్ విడుదల చేశారు. సుభాష్ చంద్రబోస్ విమాన ప్రమాదంలో చనిపోయాడంటూ అందరికీ తెలుసు. అయితే ఒక కవర్ స్టోరీ అని, అసలు నిజం ఈ సినిమాతో చెబుతాం అంటున్నాడు నిఖిల్ తెలిపాడు. టీజర్ చూస్తుంటే సినిమాలో ఓ రేంజ్ యాక్షన్ సన్నివేశాలు ఉండబోతున్నాయని ఇట్టే అర్థమవుతోంది.
చదవండి: Vaishnav Tej: రుద్ర తాండవం చేయనున్న మెగా మేనల్లుడు..ఆదికేశవ ఫస్ట్ గ్లింప్స్ రిలీజ్
స్పై సినిమా(SPY Movie)లో ఐశ్వర్య మీనన్ (Iswarya Menon) హీరోయిన్ గా చేస్తోంది. శ్రీచరణ్ పాకాల ఈ మూవీకి మ్యూజిక్ అందిస్తున్నాడు. ఈడి ఎంటర్టైన్మెంట్స్ పతాకం పై కె రాజశేఖర్ రెడ్డి ఈ చిత్రాన్ని రూపొందిస్తున్నారు. ఈ సినిమా అన్ని వర్గాల ప్రేక్షకులను ఆకట్టుకుంటుందని హీరో నిఖిల్ తెలిపాడు. ప్రస్తుతం స్పై మూవీ టీజర్ సోషల్ మీడియాలో వైరల్ అవుతోంది.
