శ్యామ్ సింగరాయ్‌తో బ్లాక్ బస్టర్ కొట్టిన నాని.. ఆ తర్వాత ‘అంటే సుందరానికి’ అనే కామెడీ సినిమా చేశాడు. ఈ సినిమాకు వివేక్ ఆత్రేయ దర్శకత్వం వహించాడు. అయితే ఈ సినిమా అనుకున్నంత స్థాయిలో ఆకట్టుకోలేకపోయింది. ఇక ఈ సినిమా తర్వాత దసరాతో సాలిడ్ హిట్ అందుకున్నాడు నాని. ప్రస్తుతం శౌర్యువ్ అనే కొత్త డైరెక్టర్‌తో నాని 30 ప్రాజెక్ట్ చేస్తున్నాడు. ఈ సినిమాలో హాట్ బ్యూటీ మృణాల్ ఠాకూర్ హీరోయిన్‌గా నటిస్తోంది. అయితే ఈ సినిమా తర్వాత మరోసారి నాని ఫ్లాప్ డైరెక్టర్‌తో సినిమా చేయబోతున్నట్టు తెలుస్తోంది.
చదవండి: Adipurush: ‘ఆదిపురుష్‌’ నిరాశ పరిచింది.. అలనాటి లక్ష్మణుడు అసహనం
అంటే సుందరానికి కాంబినేషన్‌ను రిపీట్ చేస్తూ.. కొత్త సినిమాకు రంగం సిద్దం చేస్తున్నారట. ఇప్పటికే వివేక్ ఆత్రేయకు గ్రీన్ సిగ్నల్ కూడా ఇచ్చేశాడట. ఈ సినిమాని ఆర్ఆర్ఆర్ నిర్మాత డివివి దానయ్య నిర్మించబోతున్నట్టు తెలుస్తోంది. త్వరలోనే ఈ సినిమాకి సంబందించిన అధికారిక ప్రకటన రానుందని అంటున్నారు. అయితే ‘అంటే సుందరానికి’ సినిమాతో కామెడీ ట్రై చేసిన ఈ కాంబో.. ఈసారి డార్క్‌ థ్రిల్లర్ మూవీ చేయబోతున్నట్టు తెలుస్తోంది. ఇప్పటి వరకు నాని ఈ తరహా చిత్రాల్లో నటించలేదు. దాంతో ఫస్ట్ టైం ఓ డార్క్‌ థ్రిల్లర్‌లో నటించబోతున్నాడని చెప్పొచ్చు. ఇందులో నాని పాత్ర వైవిధ్యంగా కొత్తగా వుంటుందట. త్వరలోనే ఈ చిత్రానికి సంబంధించిన మరిన్ని వివరాలు తెలియనున్నాయి.
చదవండి: Pooja Hegde: అమితాబ్‌తో పూజా హెగ్డే.. మహేష్‌ సినిమా నుంచి ఔట్!
