నాగ్ మూవీ కోసం అక్కినేని ఫ్యాన్స్ ఎదురు చూస్తున్నారు. గతంలో ఆయన డైరెక్టర్ ప్రసన్నకుమార్ బెజవాడతో ఓ సినిమా చేస్తారంటూ వార్తలు వచ్చాయి. అయితే, ఇప్పుడు ఈ విషయంలో ఓ క్లారిటీ వచ్చింది. నాగ్ సినిమా అయితే ఉంది కానీ, అది ప్రసన్నకుమార్ తో కాదట. ఆయనతో అనుకున్న కథనే మరో డైరెక్టర్ తో చేస్తున్నారట. అది కూడా కొత్త డైరెక్టర్ కావడం విశేషం. ఈ మూవీ అప్ డేట్ ని ఆయన పుట్టిన రోజు సందర్భంగా అధికారికంగా ప్రకటించే అవకాశం ఉందని తెలుస్తోంది.
చదవండి: Akira Nandan: అమెరికా ఫిల్మ్ స్కూల్‌కు పవన్ తనయుడు..అకీరా ఫోటో షేర్ చేసిన రాఘవేంద్రరావు
ప్రముఖ కొరియోగ్రాఫర్ తో నాగ్ సినిమా చేయాలనుకోవడం విశేషం. గతంలో కొరియోగ్రాఫర్ లారెన్స్ తో సినిమా చేసి హిట్ కొట్టిన నాగ్, ఈ సారి ఎన్నో సూపర్ హిట్ పాటలకు తన డ్యాన్స్‌తో ఆజ్యం పోసిన విజయ్‌ బన్నీ తో సినిమా చేయాలని అనుకుంటున్నాడట. మలయాళంలో సూపర్ హిట్టయిన ఓ సినిమాకు రీమేక్‌ అని కూడా తెలుస్తుంది. కాగా విజయ్‌ బన్నీ తెలుగు నేటివిటీకి తగ్గట్లు చాలా మార్పులు చేసినట్లు, కేవలం ఆ మలయాళ సినిమా కోర్‌ పాయింట్‌ను మాత్రమే తీసుకున్నట్లు ఇన్‌సైడ్‌ టాక్‌. మరి ఈ ప్రయోగం ఎంత వరకు వర్కౌట్ అవుతుందో చూడాలి.
