Mega fans full Khushi Ram Charan in international award race!
ఆర్ఆర్ఆర్ సినిమా తర్వాత మెగా పవర్ స్టార్ రామ్ చరణ్(ram charan) క్రేజ్ గ్లోబల్ రేంజ్‌కి వెళ్లిపోయింది. నాటు నాటు సాంగ్‌కి ఆస్కార్ రావడంతో తారక్, చరణ్ పేర్లు ప్రపంచ వ్యాప్తంగా మార్మోగిపోయాయి. స్టీవెన్ స్పీల్ బర్గ్, జేమ్స్ కామెరాన్ లాంటి హాలీవుడ్ దిగ్గజ దర్శకులు సైతం వీళ్ల యాక్టింగ్‌కు ఫిదా అయిపోయారు. అందుకే ఇద్దరికీ ఎన్నో అవార్డ్స్ వరించాయి. కానీ రీసెంట్‌గా ప్రకటించిన 69వ జాతీయ అవార్డుల్లో మాత్రం చరణ్, ఎన్టీఆర్ కాకుండా అల్లు అర్జున్ అవార్డ్ సొంతం చేసుకున్నాడు. ఈ విషయంలో ట్రిపుల్ ఆర్ ఫ్యాన్స్ కాస్త హర్ట్ అయ్యారు. ముఖ్యంగా మెగా ఫ్యాన్స్ మగధీర, రంగస్థలం తర్వాత ఇప్పుడు ఆర్ఆర్ఆర్.. ఇలా ఏకంగా మూడు సార్లు చరణ్‌కు బెస్ట్ అవార్డ్ మిస్ అయిందని ఫీల్ అయ్యారు. అయితే తాజాగా చరణ్ ప్రముఖ హాలీవుడ్ అవార్డు నామినేషన్స్‌లో చోటు దక్కించుకున్నాడు.
అమెరికాలో నిర్వహించే పాప్ గోల్డెన్ అవార్డ్స్.. ఇండియాలోని బాలీవుడ్ యాక్టర్స్ అండ్ సినిమాలకు కూడా ఇస్తుంటారు. తాజాగా గోల్డెన్ బాలీవుడ్ యాక్టర్ నామినేషన్స్‌లో.. రామ్ చరణ్, షారుఖ్ ఖాన్, అదా శర్మ, దీపికా పదుకొనే, రాశి ఖన్నా, రిద్ధి డోగ్రా, విషెస్ బన్సల్, అర్జున్ మాథుర్ సెలెక్ట్ అయ్యారు. గోల్డెన్ బాలీవుడ్ మూవీ క్యాటగిరీలో.. ఆర్ఆర్ఆర్, పఠాన్, రాకెట్ బాయ్స్, కేరళ స్టోరీ, గాన్ గేమ్, కాలేజీ రొమాన్స్, ఫర్జి, అసుర్ నామినేట్ అయ్యాయి. అలాగే ‘నాటు నాటు’ సాంగ్ బెస్ట్ సౌండ్ ట్రాక్ క్యాటగిరీలో హాలీవుడ్ సాంగ్స్‌తో కలిపి ఎంపికైంది. ఈ అవార్డులు నవంబర్‌లో ప్రకటిస్తారు. అయితే ఈ అవార్డ్స్ రేసులో చరణ్ కూడా నిలవడంతో మెగా ఫ్యాన్స్ ఈ న్యూస్‌ని ఓ రేంజ్‌లో వైరల్ చేస్తున్నారు. నేషనల్ అవార్డు మిస్ అయినా.. ఇంటర్నేషనల్ అవార్డు నామినేషన్స్‌లో దక్కించుకోవడం మెగా ఫ్యాన్స్‌ని ఫుల్ ఖుషీ చేస్తుంది. మరి రామ్ చరణ్, ఆర్ఆర్ఆర్(RRR), నాటు నాటుకి అవార్డులు వరిస్తాయో లేదో చూడాలి.
ఇది కూడా చూడండి: Pushpa2TheRule: రిలీజ్ డేట్ ఫిక్స్..న్యూ లుక్ కేక
