Guntur Karam: అప్పుడు ఐటమ్ సాంగ్.. ఇప్పుడు తల్లికొడుకులు

Mahesh Babu and Ramyakrishna Item Song In Nani, Mother and Son in Guntur Karam

Guntur Karam: టాలీవుడ్ సూపర్ స్టార్ మహేష్ బాబు(Mahesh Babu) హీరోగా నటిస్తున్న తాజా చిత్రం గుంటూరు కారం(Guntur Karam). మాటల మాంత్రికుడు త్రివిక్రమ్(Trivikram) దర్శకత్వంలో ఈ సంక్రాంతి కానుకగా రిలీజ్ కాబోతుంది. ఈ సినిమాలో మహేష్ క్యారెక్టర్ పేరు రమన. ఆయనకు తల్లిగా సీనియర్ బ్యూటీ రమ్యకృష్ణ(Ramyakrishna) నటించిన విషయం తెలిసిందే. సినిమా ఆద్యాంతం వీరిద్దరి ఎమోషనల్ సీన్లే హైలేట్‌గా నిలుస్తాయని టాక్. ఇలాంటి సమయంలో ఓ వార్త సోషల్ మీడియాలో హల్ చల్ చేస్తుంది. అదేంటంటే.. రమ్య కృష్ణ, మహేష్ బాబు ఓ రోమాంటికి సాంగ్ లో డ్యాన్స్ చేశారు. కట్ చేస్తే 20 సంవత్సరాల తరువాత తల్లీకొడుకులుగా నటిస్తున్నారు.

చదవండి:Kalki: ‘కల్కి’ బిగ్ అప్డేట్.. టీజర్ రెడీ!

గుంటూరు కారంలో తల్లి పాత్ర ఎంతో కీలకం అని ట్రైలర్ చూస్తే అర్థం అవుతుంది. కీర్తి కిరీటాలు అనే నవల ఆధారంగా ఆ పాత్ర డిజైన్ చేసినట్లు ఇన్సైడ్ టాక్. ఈ పాత్రలో రమ్యకృష్ణ నటించారు. చిన్నప్పుడే దూరం అయిన కొడుకు పాత్రలో మహేష్ బాబు చేశారు. వీరిద్దరిని తల్లీకొడుకులుగా సిల్వర్ స్క్రీన్‌పై చూడడానికి ముందే గతంలో వీరిద్దరు చేసిన రోమాంటికి సాంగ్ సోషల్ మీడియాలో వైరల్ అవుతుంది. 2004లో మహేష్ బాబు హీరోగా ఎస్.జె.సూర్య దర్శకత్వంలో ‘నాని’ సినిమా వచ్చింది. డిఫరెంట్ కాన్సెప్ట్ తో వచ్చిన ఈ సినిమాలో రమ్యకృష్ణ ఓ రొమాంటిక్ సాంగ్ లో ఉంటుంది. ‘మార్కండేయ’(markandeya) అంటూ సాగే ఈ పాటలో బాబుకు ప్రేమ పాఠాలు నేర్పిస్తుంది. థియేటర్లో ఈ పాట ఉన్నప్పటికి బుల్లితెరపై డిలీట్ చేశారు. ఈ సాంగ్ యూట్యూబ్‌లో ఉంది. ఈ నేపథ్యంలో ఈ సాంగ్ వైరల్ అవడం విశేషం. సినిమాల్లో వారు చేసేవి పాత్రలే కాబట్టి దీన్ని ఎవరు పెద్దగా సిరీయస్‌గా తీసుకోవద్దని నెటిజన్లు అభిప్రాయపడుతున్నారు. గతంలో ఎంతో మంది స్టార్లు ఇలాంటి సందర్భాలు ఎదుర్కొన్నారు అని అంటున్నారు. ఏది ఏమైనా గుంటూరు కారంపై మంచి అంచనాలు ఏర్పడ్డాయి. అతడు, ఖలేజా తరువాత మహేష్, త్రివిక్రమ్ కాంబినేషన్‌లో వస్తున్న సినిమా కావడంతో ఆయన ఫ్యాన్స్ పండుగ చేసుకుంటున్నారు.

చదవండి:Kotabommali PS: ఓటీటీకి  వచ్చేసిన కొటబొమ్మాళీ పీఎస్..!