Low buzz for Aadikeshava movie producer Nagvanshi Clarity
మెగా ఫ్యామిలీకి చెందిన హీరో పంజా వైష్ణవ్ తేజ్(panja vaisshnav tej) హీరోగా యాక్ట్ చేసిన రాబోయే చిత్రం “ఆదికేశవ(Aadikeshava)” ఈనెల 24న థియేటర్లలో విడుదల కానుంది. అయితే ప్రస్తుతం ఈ చిత్రానికి తక్కువ బజ్ ఉందనే ప్రశ్నపై ఈ చిత్ర నిర్మాత నాగవంశీ(Nagvanshi)క్లారిటీ ఇచ్చారు. ఆదికేశవ ట్రైలర్ విడుదల కార్యక్రమంలో భాగంగా ఆయన ఈ మేరకు వెల్లడించారు. ఈ రోజు నుంచి మీరే చూస్తారు. ట్రైలర్ వచ్చింది. రెండు రోజుల్లో ఆన్‌లైన్ టికెటింగ్ ప్రారంభమయ్యే సమయానికి, ప్రీ-రిలీజ్ ఈవెంట్ జరుగుతుంది. ఈ సినిమాకి పెయిడ్ ప్రీమియర్స్ నిర్వహించాలా వద్దా అని కూడా డిసైడ్ చేస్తున్నాం. ఈ నేపథ్యంలో మూవీ విడుదల నాటికి మంచి బజ్ వస్తుందని ఆశిస్తున్నట్లు చెప్పారు. ఇప్పటికే దర్శకుడు (శ్రీకాంత్ రెడ్డి) చెన్నైలో ఫైనల్ రీ-రికార్డింగ్‌ని పరిశీలిస్తున్నారు. డేట్ సమస్యల కారణంగా శ్రీలీల ప్రమోషన్లకు రాలేకపోయిందన్నారు.
చివరి నిమిషంలో ప్రమోషన్లు తనకు చాలా సహాయపడుతున్నాయని ఈ సందర్భంగా నాగవంశీ గుర్తు చేశారు. క్రికెట్ వరల్డ్ కప్ కారణంగా ప్రస్తుతం అందరూ డిప్రెషన్ మూడ్‌లో ఉన్నారని..వారాంతంలో రిఫ్రెష్‌మెంట్ కోసం ఈ చిత్రం చాలా బాగా ఉపయోగపడుతుందన్నారు. అంతేకాదు ఈ సినిమాలో ఫైట్స్ నెక్ట్స్ లెవల్లో ఉంటాయని..ఇదొక మాస్ చిత్రమని నిర్మాత వెల్లడించారు. వైష్ణవ్ తేజ్, శ్రీలీల(sreeleela) జంటగా నటించిన ఆదికేశవ చిత్రం నవంబర్ 24న విడుదల కానుంది. మరి సితార వంశీ కాన్ఫిడెన్స్ గా చెప్పిన ఈ చిత్రం బాక్సాఫీస్ వద్ద కూడా భారీ విజయం సాధిస్తుందో లేదో చూడాలి మరి.
ఇది కూడా చూడండి: Ramcharan: ‘గేమ్ చేంజర్’ ప్యాకప్ అప్పుడే?
