India to dominate Grammy 2024 Music Awards
Grammy 2024: గ్రామీ 2024 మ్యూజిక్ అవార్డ్స్‌లో భారత్ మరోసారి సత్తా చాటింది. ప్రపంచ ప్రఖ్యాత గాంచిన ఈ అవార్డులను భారతీయ సంగీత దిగ్గజాలు జాకీర్ హుస్సేన్(Zakir Hussain ), శంకర్ మహదేవన్(Shankar Mahadevan)ల ఫ్యూజన్ బ్యాండ్ శక్తి(Shakti) బెస్ట్ గ్లోబల్ మ్యూజిక్ ఆల్బమ్‌ అవార్డును సొంతం చేసుకున్నారు. అమెరికాలోని లాస్ ఏంజిల్స్‌లో జరిగిన ఈ వేడుకకు ప్రముఖ గాయకుడు శంకర్ మహదేవన్, సంగీత విద్వాంసుడు జాకీర్ హుస్సేన్, శక్తి బృందం సభ్యులు హాజరయ్యి గ్రామీ అవార్డును అందుకున్నారు. అవార్డు తీసుకున్న సందర్భంగా భారత్‌కు కృతజ్ఞతలు తెలిపారు. ప్రస్తుతం దీనికి సంబంధించిన వీడియో నెట్టింట్లో వైరల్ అవుతోంది. వీరిపై భారతీయులు ప్రశంసలు కురిపిస్తున్నారు.
చదవండి:Eagle: ఈ వారం ఓటీటీ, థియేటర్లో రాబోవు చిత్రాలు ఇవే!
ఈ మేరకు శంకర్ మహదేవన్ ప్రసంగాన్ని మూడు సార్లు గ్రామీ అవార్డు గెలుచుకున్న ఇండియన్ మ్యూజిక్ కంపోజర్ రికీ కేజ్ తన సోషల్ మీడియాలో పోస్ట్ చేశారు. గ్రామీ అవార్డు గెలవడంపై ఆయన అభిప్రాయాన్ని పంచుకున్నారు. శక్తి బ్యాండ్‌పై ప్రశంసల జల్లు కురిపించారు. శక్తి 2024 గ్రామీ అవార్డు గెలవడం చాలా సంతోషం అని, దీని ద్వారా నలుగురు గొప్ప భారతీయ సంగీతకారులు గ్రామీ అవార్డులను గెలుచుకున్నారని రికీ కేజ్ వెల్లడించారు. ఫ్లూట్ ప్లేయర్ రాకేష్ చౌరాసియా, గాయకుడు శంకర్ మహదేవన్, సెల్వగణేష్, గణేశ్ రాజగోపాలన్, ఉస్తాద్ జాకీర్ హుస్సేన్ రెండో అవార్డును గెలుచుకున్నారని ప్రస్తావించారు. కాగా జాన్ మెక్‌లాఫ్లిన్, జాకీర్ హుస్సేన్, శంకర్ మహదేవన్, వీ.సెల్వగణేశ్, గణేశ్ రాజగోపాలన్‌ల సహకారంతో ‘శక్తి’ బ్యాండ్‌ను
ఏర్పాటు చేశారు.
చదవండి:Guntur Kaaram: ఓటీటీలోకి రాబోతున్న గుంటూరు కారం.. ఎప్పుడంటే?
