రష్యాపై దాడులను ఉక్రెయిన్ సైన్యం విభిన్నంగా ఎంజాయ్ చేసింది. తమపై రష్యా చేస్తున్న యుద్దానికి వ్యతిరేకంగా ఉక్రెయిన్ ఆర్మీ నాటు నాటు సాంగ్ కి డ్యాన్స్ చేసి వీడియోను రిలీజ్ చేసింది. ఉక్రెయిన్ దేశానికి చెందిన ఆర్మీ అఫీషియల్స్ డ్రోన్స్ సహాయంతో ఈ వీడియోను తీశారు. ఆర్ఆర్ఆర్(RRR) మూవీలోని నాటు నాటు పాట(Natu natu song)ను ఉపయోగించి ఆర్మీ సైన్యం డ్యాన్స్ వేసింది. ఈ వీడియో ప్రస్తుతం సోషల్ మీడియాలో వైరల్(Video Viral) అవుతోంది. ఉక్రెయిన్ ఆర్మీ పోస్టు చేసిన ఆ వీడియోపై ఆర్ఆర్ఆర్ టీమ్ రీ ట్వీట్ చేసింది.
Військові з Миколаєва зняли пародію на пісню #NaatuNaatu з 🇮🇳 фільму "RRR", головний саундтрек якого виграв Оскар цього року.
У оригінальній сцені гол.герої піснею виражають протест проти британського офіцера (колонізатора) за те, що він не пустив їх на зустріч. pic.twitter.com/bVbfwdjfj1
— Jane Fedotova🇺🇦 (@jane_fedotova) May 29, 2023
నాటు నాటు సాంగ్ (Natu natu song)ని ఉక్రెయిన్ ఆర్మీ తమ భాషలోకి మార్చుకుని డ్యాన్స్ వేయడం విశేషం. రష్యా ఆర్మీని విలన్ గా చూపిస్తూ ఉక్రెయిన్ ఆర్మీ అద్భుత ప్రదర్శన చేసింది. ఆర్ఆర్ఆర్ సినిమా షూటింగ్‌ సమయంలో భారత్‌లో వర్షాలు కురవడంతో ఆ పాటను ఉక్రెయిన్ ప్యాలెన్ లో చిత్రీకరించారు. ఆ సాంగ్ లో డ్యాన్స్ చేసిన కో డ్యాన్సర్లంతా కూడా ఉక్రెయిన్ వాళ్లే కావడం విశేషం.
ఆర్ఆర్ఆర్ సినిమాకు ప్రపంచవ్యాప్తంగా అద్భుత రెస్పాన్స్ వచ్చింది. డైరెక్టర్ రాజమౌళి తెరకెక్కించిన ఈ మూవీలో రామ్ చరణ్, ఎన్టీఆర్ ప్రధాన పాత్రలలో నటించిన సంగతి తెలిసిందే. ఈ మూవీకి ఎమ్ ఎమ్ కీరవాణి సంగీతం అందించగా, అందులోని నాటు నాటు పాట(Natu natu song) ఆస్కార్ అవార్డును సొంతం చేసుకుంది.
