పఠాన్ సినిమాతో కింగ్ సైజ్ కంబ్యాక్ ఇచ్చిన బాలివుడ్ బాద్షా షారుఖ్ ఖాన్.. మరోసారి సాలిడ్ హిట్ అందుకున్నాడు. షారుఖ్ నటించిన లేటెస్ట్ ఫిల్మ్ ‘జవాన్’ సెప్టెంబర్ 7న ఆడియెన్స్ ముందుకొచ్చింది. నయనతార హీరోయిన్ గా నటించిన ఈ సినిమాలో.. విజయ్ సేతుపతి విలన్‌గా నటించారు. కోలీవుడ్ మాస్ డైరెక్టర్ అట్లీ ఈ సినిమాను పవర్ ప్యాక్డ్‌ యాక్షన్ ఫిల్మ్‌గా తెరకెక్కించాడు. ఈ మూవీలో షారుఖ్ తండ్రీ కొడుకులుగా డ్యూయల్ రోల్ లో నటించాడు. అయితే డైరెక్టర్ అట్లీతో పాటు ఈ సినిమాలో చాలామంది సౌత్ యాక్టర్సే ఉన్నారు.
చదవండి: OG కథ లీక్.. పవన్ ఫ్యాన్స్‌కు పండగే!
హీరో షారుఖ్ ఖాన్, మరో హీరోయిన్ దీపికా పదుకోనేలు మాత్రమే బాలీవుడ్ నుంచి కీ రోల్ ప్లే చేశారు. అలాగే సంజయ్ దత్ కూడా కామియో రోల్ చేశాడు. అయితే కోలీవుడ్ యాక్టర్స్‌తో పాటు తెలుగు నుంచి ఓ బిగ్ బాస్ బ్యూటీ కూడా ఈ సినిమాలో మెరిసింది. బిగ్‌బాస్‌ బ్యూటీ సిరి హన్మంతు జవాన్ చిత్రంలో ఓ చిన్న పాత్రలో కనిపించింది. వెబ్ సీరిస్ చేస్తూ ఫెమస్ అయ్యి, తెలుగు బిగ్ బాస్‌లో మెరిసిన సిరి హనుమంతు ఏకంగా షారుఖ్ పక్కన నటించడం అంటే బంపర్ ఆఫర్ అనే చెప్పాలి.
చదవండి:Rules Ranjan: ‘రూల్స్ రంజన్’ ట్రైలర్ రిలీజ్.. ఎలా ఉందంటే?
ఇందులో ఆమె పాత్రకు డైలాగులు లేవు కానీ, షారుక్‌ పక్కనే కనిపించింది. జైలర్‌ ఆజాద్‌గా షారుక్‌ నటించగా, ఆయనకు సబ్‌ ఆర్డినేట్‌ ఆఫీసర్‌గా సిరి కనిపించింది. పాన్ ఇండియా సినిమాలో సిరికి ఛాన్స్ అంటే మామూలు విషయం కాదు. ఖచ్చితంగా ఈ సినిమా తర్వాత ఈ ముద్దుగుమ్మకు మరిన్ని ఆఫర్లు రావడం పక్కా అంటున్నారు.
