Balayya: నందమూరి నటసింహం బాలకృష్ణ, మాస్ డైరెక్టర్ బోయపాటి శ్రీను కాంబినేషన్ గురించి ప్రత్యేకంగా చెప్పాల్సిన అవసరం లేదు. సింహా, లెజెండ్, అఖండ సినిమాలతో మాస్ ర్యాంపేజ్ చూపించారు బాలయ్య, బోయపాటి. ముఖ్యంగా అఖండ సినిమా అఖండ విజయాన్ని అందుకుంది. తమన్ దెబ్బకు థియేటర్ బాక్సులు పగిలిపోయాయి. ఇక బాలయ్య ర్యాంపేజ్‌కు బాక్సాఫీస్ బద్దలైంది. దీంతో.. అఖండ 2 కూడా ఉంటుందని అప్పుడే.. చెప్పేశాడు బోయపాటి. కానీ ఎప్పుడు సెట్స్ పైకి వెళ్తుందనే విషయంలో క్లారిటీ ఇవ్వలేదు. అందుకే.. ఈ సీక్వెల్ ఎప్పుడు స్టార్ట్ అవుతుంది? ఎప్పుడు రిలీజ్ అవుతుంది? అని ఎదురు చూస్తున్నారు నందమూరి ఫ్యాన్స్.
ఇది కూడా చూడండి: Devara: ఎన్టీఆర్ ట్రిపుల్ రోల్? దేవర మామూలుగా ఉండదా?
లేటెస్ట్ అప్డేట్ మాత్రం అఖండ2 రెడీ అని అంటున్నారు. అఖండ తర్వాత రామ్‌తో స్కంద సినిమా తెరకెక్కించాడు బోయపాటి. బాక్సాఫీస్ దగ్గర ఈ సినిమా మిక్స్డ్‌ రిజల్ట్ సొంతం చేసుకుంది. ఈ సినిమా తర్వాత మరో ప్రాజెక్ట్ అనౌన్స్ చేయలేదు బోయపాటి. తమిళ్ హీరో సూర్యతో ఉంటుందనే టాక్ ఉన్నప్పటికీ క్లారిటీ లేదు. కానీ ప్రస్తుతం బోయపాటి శ్రీను ‘అఖండ 2’ స్క్రిప్ట్ వర్క్‌తో బిజీగా ఉన్నట్టుగా తెలుస్తోంది. లేటెస్ట్ అప్డేట్ ప్రకారం.. బోయపాటి శ్రీను రాసిన కథకు మాటల రచయిత ఎం. రత్నం డైలాగ్స్ పూర్తి చేశాడని తెలుస్తోంది.
ఇది కూడా చూడండి: Ram Charan: రామ్ చరణ్‌కు హీరోయిన్‌ ఓకె.. కానీ నారాయణ మూర్తినే?
డైలాగ్స్ చాలా పవర్ ఫుల్‌గా వచ్చాయట. ఈ సినిమా పక్కా బోయపాటి మార్క్ యాక్షన్ సీన్స్ అండ్ పొలిటికల్ పంచ్‌ పవర్ ఫుల్‌గా ఉంటుందని తెలుస్తోంది. ప్రస్తుతం బాలయ్య.. డైరెక్టర్ బాబీతో చేస్తున్న ఎన్బీకె 109 కంప్లీట్ అవగానే.. అఖండ 2 సెట్స్ పైకి వెళ్లనుందని సమాచారం. ఈ సినిమాను ప్రముఖ నిర్మాణ సంస్థ గీతా ఆర్ట్స్ బ్యానర్ పై అల్లు అరవింద్ నిర్మించే ఛాన్స్ ఉంది.
