Anushka as a 'prostitute' once again.. an increased dose this time?
Anushka: చివరగా ‘మిస్‌ శెట్టి మిసెస్‌ పొలిశెట్టి’ సినిమాతో ప్రేక్షకుల ముందుకు వచ్చింది అనుష్క. అయితే.. ఈ సినిమా తర్వాత మరో సినిమా కమిట్ అవలేదు స్వీటి. అలాగే.. గత కొన్నాళ్లుగా కెమెరాకు కనిపించకుండా తిరుగుతోంది అనుష్క. ‘మిస్‌ శెట్టి మిసెస్‌ పొలిశెట్టి’ సినిమా రిలీజ్ సమయంలో కూడా ఎక్కడా బయట కనిపించలేదు. దానికి కారణం అనుష్క లావుగా ఉండడమే అని టాక్ నడిచింది. ‘సైజ్‌ జీరో’ సినిమా కోసం వెయిట్ పెరిగిన అనుష్క.. మళ్లీ వెయిట్ లాస్ అయ్యేందుకు గట్టిగా కష్టపడింది. అప్పటి నుంచే అనుష్కకు వెయిట్ కష్టాలు మొదలయ్యాయి. దీంతో బయట ఎక్కడ కూడా కనిపించకుండా పోయింది స్వీటి. అయితే.. రీసెంట్‌గా అనుష్క’కథనార్‌’ అనే మలయాళం సినిమా షూటింగ్‌లో జాయిన్ అయింది. ఈ సందర్భంగా బయటికొచ్చిన ఫోటోల్లో స్వీటీ చాలా స్లిమ్‌గా కనిపించి షాక్ ఇచ్చింది. దీంతో మరో సినిమాకు కూడా కమిట్ అయింది అమ్మడు. వేదం కాంబినేషన్‌ను రిపీట్ చేస్తూ క్రిష్ దర్శకత్వంలో అనుష్క ఓ సినిమాకి గ్రీన్‌ సిగ్నల్‌ ఇచ్చింది.
చదవండి:Chiranjeevi: బురదలో చిరంజీవి.. అందుకే మెగాస్టార్ అయ్యారు!
లేటెస్ట్‌గా ఈ సినిమాకు ‘ఘాతి’ అనే టైటిల్ ఫిక్స్ చేసినట్టుగా అనౌన్స్ చేశారు. అమెజాన్‌ ప్రైమ్‌ వీడియో ఈ విషయాన్ని అధికారికంగా ప్రకటించింది. ఈ మూవీ అమెజాన్‌లో రాబోతున్నట్టు వెల్లడించారు. ఇక ఈ సినిమా లేడీ ఓరియెంటెడ్‌గా రాబోతోంది. ఓ సమస్యలో ఇరుక్కున్న మహిళా వ్యాపారవేత్త దాని నుంచి ఎలా బయటపడింది? అనేదే సినిమా కథ అన్నారు. కానీ లేటెస్ట్ అప్డేట్ ప్రకారం.. అనుష్క వేశ్యగా కనిపించబోతున్నట్టుగా తెలుస్తోంది. గతంలో వేదం సినిమాలో అనుష్కను వేశ్యగా చూపించాడు క్రిష్. ఇక ఇప్పుడు మరోసారి వేశ్య పాత్రతో సినిమా చేస్తున్నట్టుగా చెబుతున్నారు. అంతేకాదు.. వేదం సినిమాకి మించిన సీన్స్ ఈ సినిమాలో చూపించబోతున్నాడ క్రిష్. అయితే.. వేదం సినిమా సమయంలో అనుష్క చాలా గ్లామర్‌గా ఉండేది. కానీ ఇప్పుడు అనుష్క వేశ్యగా కనిపిస్తే.. వర్కౌట్ అవుతుందా? అనే సందేహాలు వెలువడుతున్నాయి. మరి అనుష్క ఈసారి ఎలాంటి సెన్సేషన్ క్రియేట్ చేస్తుందో చూడాలి.
చదవండి:Ram Charan: రామ్ చరణ్ ‘గేమ్ చేంజర్‌’కు వంద కోట్ల డీల్?
