మెగా మేనల్లుడు వైష్ణవ్ తేజ్(Vaishnav Tej) హీరోగా తెరకెక్కుతోన్న చిత్రం ఆదికేశవ(Adikeshava Movie). ‘ఉప్పెన’ మూవీతో బ్లాక్ బస్టర్ హిట్ అందుకున్న వైష్ణవ్ తేజ్ ఆ తర్వాత తీసిన రెండు సినిమాలు సరైన విజయాన్ని అందుకోలేదు. ఆ లోటును భర్తీ చేసేలా ఆదికేశవగా ప్రేక్షకుల ముందుకు వస్తున్నాడు. కొత్త దర్శకుడు శ్రీకాంత్ ఎన్ రెడ్డి ఈ సినిమాకు దర్శకత్వం వహిస్తున్నాడు. పక్కా మాస్ ఎంటర్టైనర్‌గా ఈ మూవీ రూపొందుతోంది.
ఆదికేశవ ఫస్ట్ గ్లింప్స్ వీడియో:
ఆదికేశవ మూవీ (Adikeshava Movie) నుంచి ఇప్పటి వరకూ రెండు పోస్టర్లను చిత్ర యూనిట్ రిలీజ్ చేసింది. తాజాగా టైటిల్ అండ్ ఫస్ట్ గ్లింప్స్‌ని మేకర్స్(Glimps Video Release) విడుదల చేశారు. ఈ గ్లింప్స్ లో వైష్ణవ్ తేజ్(Vaishnav Tej) మాస్ అవతారంలో కనిపించాడు. మైనింగ్ బ్యాక్ డ్రాప్ తో ఈ మూవీ కథాంశం నడుస్తున్నట్లు తెలుస్తోంది. మైనింగ్ చేస్తూ శివుడి గుడిని కూడా కూల్చాలనుకున్నప్పుడు హీరో వారిని అడ్డుకోవడమే సినిమా కథాంశం అని గ్లింప్స్ ను చూస్తే అర్థమవుతోంది.
చదవండి: Atharva Movie: ‘అథర్వ’ నుండి ఫస్ట్ లిరికల్ సాంగ్ రిలీజ్
ఈ మూవీలో వైష్ణవ్ తేజ్(Vaishnav Tej)కు జోడీగా శ్రీలీల(Sreeleela) నటిస్తోంది. జి.వి. ప్రకాష్ ఈ మూవీకి సంగీతం అందిస్తున్నారు. సితార ఎంటర్టైన్‌మెంట్, ఫార్చ్యూన్ ఫోర్ సినిమాస్ సంయుక్తంగా ఈ సినిమా నిర్మిస్తున్నాయి. ఇప్పటికే ఈ మూవీ రిలీజ్ కావాల్సి ఉంది. అయితే కొత్త తేదీని అనౌన్స్ చేయనున్నట్లు చిత్ర యూనిట్ తెలిపింది. ప్రస్తుతం ఆదికేశవ(Adikeshava Movie) మూవీ గ్లింప్స్ వీడియో (Glimps Video) సోషల్ మీడియాలో వైరల్ అవుతోంది.
