Adah Sharma Is Unwell
Adah Sharma: హీరోయిన్ ఆదా శర్మ (Adah Sharma) అస్వస్థతకు గురయ్యారు. ఫుడ్ అలర్జీ కావడంతో డయేరియా బారినపడ్డారు. దీంతో ఆమెను ఆస్పత్రికి తరలించారు. తాను నటించిన కమాండో మూవీ ప్రమోషన్‌లో పాల్గొన్నారు. అందుకోసం ముంబై వెళ్లగా.. అక్కడ డయేరియా బారినపడ్డారు. దీంతో ఆస్పత్రికి తరలించి.. చికిత్స అందజేస్తున్నారు. అలర్జీ వల్ల ఒంటిపై దద్దుర్లు కూడా వచ్చాయని ఆదా శర్మ మేనేజర్ మీడియాకు తెలిపారు.
చదవండి: Anand Mahindra ట్వీట్‌కు షారుక్ ఖాన్ రిప్లై.. ఏమన్నారంటే.?
కమాండో మూవీ ఈ నెల 11వ తేదీన హాట్ స్టార్‌లో స్ట్రీమింగ్ కానుంది. కమాండోలో బాలీవుడ్ నటుడు విద్యుత్ జమ్వాల్ కీ రోల్ పోషించారు. మూవీలో భావనా రెడ్డి పాత్రను ఆదా శర్మ (Adah Sharma) చేశారు. ఆమె ఇదివరకు నటించిన ది కేరళ స్టోరీ మూవీ వివాదాస్పద మైన సంగతి తెలిసిందే. కేరళ మహిళలు ఇస్లాంలోకి మారుతున్న అంశాన్ని ఇతివృతంగా తీసుకొని మూవీ తీశారు. కలెక్షన్ల వర్షం మాత్రం కురిపించింది. ఆ మూవీ డిజిటల్ హక్కులపై తేలలేదు. అందుకోసమే ఓటీటీలో స్ట్రీమింగ్‌పై క్లారిటీ రాలేదు.
ఆదా శర్మ (Adah Sharma) త్వరలో ఓ ఇంటర్నేషనల్ ప్రాజెక్టులో కూడా నటించబోతున్నారు. అందులో సూపర్ హీరో రోల్ చేస్తున్నారు. ఆ ప్రాజెక్ట్‌కు సంబంధించిన పూర్తి వివరాలు తెలియాల్సి ఉంది. తనకు చిన్నప్పటి నుంచి ఫీమెల్ సూపర్ హీరోలు అంటే ఇష్టం అని ఇదివరకు ఆదా శర్మ (Adah Sharma) తెలిపారు. ప్రస్తుతం అలాంటి రోల్ రావడంతో ఆమె సంతోష పడ్డారు.
