మనీల్యాండరింగ్ (Money Laundering)కు పాల్పడిన నేరానికి కోర్టు 11,196 ఏళ్ల జైలు శిక్ష విధిస్తూ తీర్పునిచ్చింది. ముగ్గురు అన్నదమ్ముల విషయంలో తుర్కియే కోర్టు ఈ సంచలన తీర్పునిచ్చింది. థోడెక్స్ అనే పేరుతో ఫరూఖ్ ఫతిహ్ ఓజర్ అనే 29 ఏళ్ల వ్యక్తి క్రిప్టో బిజినెస్ చేస్తుండేవాడు. ఆయన మనీల్యాండరింగ్‌కు పాల్పడినట్లు ప్రాసిక్యూషన్ ఆరోపణలు చేసింది.
చదవండి: Moon: నాసా షాకింగ్ రిపోర్ట్..చంద్రునిపై 12 వేల భూకంపాలు..!
ఆర్థిక మోసాలకు పాల్పడ్డారని, క్రిమినల్ ఆర్గనైజేషన్ కూడా ఏర్పాటు చేశారని లాయర్ వాదనలు వినిపించారు. ఓజర్ దాదాపుగా 2 బిలియన్ డాలర్ట్ ఇన్వెస్టర్ అసెట్స్‌ను తీసుకుని పరారైనట్లు వెల్లడించింది. అంతేకాకుండా దాదాపుగా 30 మిలియన్ డాలర్లను రహస్యంగా వివిధ బ్యాంకు అకౌంట్లకు తరలించినట్లుగా ప్రాసిక్యూషన్ పలు ఆరోపణలు చేయడంతో కోర్టు దీనిపై విచారించింది.
చదవండి: Morocco Earthquake: మొరాకోలో భూకంపం.. రూ.23 వేల కోట్ల ఆర్థిక వ్యవస్థ నాశనం
వాదోపవాదాలు విన్న తర్వాత కోర్టు ఓజర్‌తో పాటుగా ఆయన సోదరులు సెరప్, గువెన్ కూడా దోషులని తేలుస్తూ కోర్టు తీర్పునిచ్చింది. ఈ కేసులో ఒక్కొక్కరికీ 11,196 సంవత్సరాలు పాటు జైలు శిక్షను విధించింది. ఈ కేసులో క్రిప్టో బిజినెస్ వ్యవస్థాపకుడికి కూడా 40,562 సంవత్సరాల జైలు శిక్ష విధించాలని ప్రాసిక్యూషన్ కోరడం విశేషం. అయితే ఓజర్‌తో పాటుగా తన ఇద్దరు అన్నదమ్ములకు మాత్రమే కోర్టు జైలు శిక్షను ఖరారు చేస్తూ ప్రకటన చేసింది.
