అమెరికా (America)లో అతిపెద్ద హిందూ దేవాలయం (Hindu Temple) ఏర్పాటైంది. న్యూజెర్సీ రాష్ట్రంలోని రాబిన్స్‌విల్లేలో ఈ ఆలయాన్ని అద్భుతంగా నిర్మించారు. ఈ ఆలయాన్ని స్వామినారాయణ్ అక్షర్‌ధామ్‌గా పిలుస్తుండటం విశేషం. 19వ శతాబ్దంలో ఆనాటి ఆధ్యాత్మిక గురువు అయిన భగవాన్ స్వామి నారాయణ్‌కు ఈ అద్వితీయమైన ఆలయాన్ని అంకితమిచ్చినట్లుగా ఆలయ నిర్మాణకర్తలు వెల్లడించారు.
చదవండి: WorldEnvironmentHealthDay: ప్రపంచ పర్యావరణ ఆరోగ్య దినోత్సవ శుభాకాంక్షలు
ఈ ఆలయాన్ని మొత్తం 183 ఎకరాల విస్తీర్ణంలో ఏర్పాటు చేశారు. వేల ఏళ్ల క్రితమే శిథిలమైన ఆలయం స్థానంలో ఈ ఆలయాన్ని నిర్మించినట్లుగా ధర్మకర్తలు వెల్లడించారు. ఈ భారీ ఆలయ నిర్మాణం కోసం దాదాపుగా 12500 మంది వరకూ విరాళాలు ఇచ్చారు. ఇందులో అన్ని రకాల దేవుళ్లను ప్రతిష్టించినట్లు అక్షర్‌ధామ్ కమిటీ సభ్యులు తెలిపారు.
చదవండి: Disease X మరో మహమ్మారి రాబోతుంది… ఈ సారి 5 కోట్ల మంది టార్గెట్
అక్టోబర్ 8వ తేదిన ఈ అతి పెద్ద ఆలయాన్ని ప్రారంభించనున్నట్లు వెల్లడించారు. ఆలయం మొత్తం 10 వేలకు పైగా విగ్రహాలు ఉంటాయని, దేశంలోని ఇతర అక్షర్‌ధామ్ ఆలయాల మాదిరిగానే ఈ ఆలయాన్ని కూడా అభివృద్ధి చేసినట్లుగా నిర్మాణకర్తలు వెల్లడించారు. ఈ ఆలయాన్ని నిర్మించేందుకు 12 ఏళ్ల సమయం పట్టిందని, 10 వేల విగ్రహాలను ఏర్పాటు చేసేందుకు పటిష్ట చర్యలు తీసుకున్నట్లు నిర్మాణకర్తలు తెలిపారు.
చదవండి: Sudhamurthy : పోలీసులకు ఫిర్యాదు చేసిన ఇన్ఫోసిస్ నారాయణ మూర్తి భార్య సుధామూర్తి
ఆలయంలో భారతీయ సంగీత పరికరాలు, నృత్య పరికరాలకు సంబంధించిన శిల్పాలను కూడా ఏర్పాటు చేసినట్లు తెలిపారు. నిర్మాణ పనులను పూర్తి చేసుకున్న ఈ ఆలయాన్ని అక్టోబర్ 8వ తేదిన అంగరంగ వైభవంగా ప్రారంభించనున్నట్లు నిర్మాణకర్తలు తెలిపారు. అమెరికాలో అతి పెద్ద హిందూ ఆలయం ఇదేనని, ఈ ఆలయం ద్వారా ఆధ్యాత్మిక కార్యక్రమాలు నిరంతరం కొనసాగుతాయని వెల్లడించారు.
