ఇండోనేషియా(Indonesia)లో సోమవారం దారుణ ఘటన చోటుచేసుకుంది. సులవేసి ద్వీపంలోని సముద్రంలో ఓ నౌక మునిగిపోయింది. ఈ ప్రమాదంలో 15 మంది ప్రయాణికులు అక్కడికక్కడే దుర్మరణం చెందారు. మరో 19 మంది గల్లంతైనట్లు అధికారులు తెలిపారు. (Missing In Ferry Sinking) ఆగ్నేయ సులవేసి ప్రావిన్స్ రాజధాని కేందారీకి దక్షిణంగా 200 కిలోమీటర్ల దూరంలో ఈ ప్రమాదం జరిగింది. మునా ద్వీపంలోని ఒక బే గుండా అనే నౌక ప్రమాదానికి గురైంది.
చదవండి: Plane Crash: కుప్పకూలిన విమానం.. 9 మంది మృతి.!
నౌక ప్రమాదం జరిగినపుడు అందులో 40మంది ప్రయాణిస్తున్నారు. ఆ ప్రమాదం నుంచి ఆరుగురు ప్రాణాలతో బయటపడ్డారని ఇండోనేషియా అధికారులు వెల్లడించారు. రాత్రి సమయంలో నౌక మునిగిపోయింది. ఈ ప్రమాదానికి గల కారణాలు తెలియలేదని అధికారులు వెల్లడించారు. ప్రాణాలతో బయటపడిన వారు ఆసుపత్రుల్లో చికిత్స పొందుతున్నారని సెర్చ్ అండ్ రెస్క్యూ ఏజెన్సీ ప్రతినిధి ముహమ్మద్ అరాఫా వెల్లడించారు.
చదవండి: Gym collapsed :షాకింగ్..జిమ్‌కి వెళ్లిన 10 మంది మృతి
నౌక ప్రమాద ప్రాంతం నుంచి లభ్యం అయిన మృతదేహాలను గుర్తించి వారి కుటుంబాలకు అప్పగించినట్లు అధికారులు తెలిపారు. ఇండోనేషియాలో 17,000 కంటే ఎక్కువ ద్వీపాలున్నాయి. చాలా వరకూ అందరూ నౌకల్లోనే ప్రయాణాలు సాగిస్తుంటారు. దీంతో ఆ ప్రాంతంలో ప్రమాదాలు ఎక్కువగా జరుగుతున్నాయని, నౌకల ప్రయాణాల్లో భద్రతా ప్రమాణాలకు తిలోదకాలు ఇవ్వడంతో ప్రయాణికుల ప్రాణాలకు రక్షణ లేకుండా పోయిందని పలువురు ఆగ్రహం వ్యక్తం చేస్తున్నారు.
