Sanitizer Side Effects : ఇదువరకటి కాలంలో వైద్యులు, నర్సుల్లాంటి వారు మాత్రమే ఎక్కువగా శానిటైజర్లను వాడుతూ ఉండే వారు. అయితే కరోనా పాండమిక్‌ తర్వాత ప్రతి ఇంట్లోనూ శానిటైజర్‌ ఉంటోంది. అప్పుడు అంతా ఎక్కువగా దీన్ని వాడేవారు. అయితే ఆ తర్వాత కూడా చాలా మంది అదే అలవాటును కొనసాగిస్తున్నారు. బయట ఏదైనా ముట్టుకున్న ప్రతి సారీ శానిటైజేషన్‌ చేసుకుంటున్నారు. ఇలా అనవసరంగా ఎక్కువగా దీన్ని ఉపయోగించడం వల్ల కూడా మన ఆరోగ్యంపై ప్రతికూల ప్రభావాలు ఉంటాయి. అవేంటంటే…
చదవండి : భారత్లో విడుదల కానున్న ‘గూగుల్ వాలెట్’
శానిటైజర్లు(Sanitizer) తరచుగా వాడటంపై… ఒహయ్యోలోని కేస్‌ వెస్ట్రన్‌ రిజర్వ్‌ యూనివర్సిటీ, మాలిక్యులర్‌ బయాలజీ డిపార్ట్‌మెంట్‌ ఓ అధ్యయనం చేసింది. ఇందులో ఆశ్చర్యపరిచే అంశాలు బయటకు వచ్చాయి. మన మెదడులో ఒలిగోడెండ్రోసైట్స్‌ అనే కణాలు ఉంటాయి. ఈ కణాలు మెదడులోని నరాల చుట్టూ వ్యాపించి ఉంటాయి. మెదడు వేగంగా, చురుగ్గా పనిచేసేందుకు ఇవి సహాయపడతాయి. మన బుర్రకు వేగంగా సంకేతాలు పంపుతాయి. అయితే, ప్రస్తుతం మనం వాడే శానిటైజర్లలో ఉన్న కొన్ని రసాయనాల కారణంగా ఈ కణాలు దెబ్బతినే ప్రమాదం ఉందని తాజా అధ్యయనం చెబుతోంది.
చదవండి : చైతూని ఎందుకు మోసం చేశావన్న నెటిజ‌న్‌.. స‌మంత స్ట్రాంగ్ రిప్లై
మనం శానిటైజర్‌ని(Sanitizer) తరచుగా రాసుకుంటూ ఉండటం వల్ల అందులో ఉండే రసాయనాలు చర్మం, ముక్కు, నోరు ద్వారా లోపలికి వెళతాయి. అవి నరాల చుట్టూ ఉండే ఈ కణాలను దెబ్బతీస్తాయి. ఫలితంగా మెదడు చురుగ్గా పని చేయడం మానేస్తుంది. శానిటైజర్లే కాదండోయ్‌… ఇంటిని శుభ్రం చేసే లిక్విడ్‌లు, బాత్రూమ్‌లు కడిగేందుకు వాడేవి, సబ్బులు తదితరాల వల్ల కూడా ఈ దుష్ప్రభావాలు ఉంటాయి. కాబట్టి వీలైనంత వరకు ఆర్గానిక్‌గా ఉండే వాటిని ఇంట్లో వాడుకోవడం మేలు.
