beware of eye health world sight day 2023 october 12th
ప్రతి సంవత్సరం అక్టోబర్ రెండవ గురువారం ప్రపంచ దృష్టి దినోత్సవం(world sight day) జరుపుకుంటాము. ఈ నేపథ్యంలో కంటి చూపు లోపంలో బాధపడే వారి సంఖ్య పెరుగుతున్న క్రమంలో దృష్టి లోపం, అంధత్వం గురించి ప్రజలకు అవగాహన కల్పిస్తారు. ఈ సంవత్సరం గ్లోబల్ కమ్యూనిటీ కంటి ఆరోగ్యానికి ప్రాధాన్యతనివ్వాలని, ప్రతి ఒక్కరికీ కంటి సంరక్షణ సేవలు అందుబాటులో ఉండే విధంగా ప్రోత్సహించాలని ఆయా ప్రభుత్వాలను కోరింది. ఈ సంవత్సరం అక్టోబరు 12న ‘పనిలో భాగంగా మీ కళ్లను ప్రేమించండి’ అనే థీమ్‌తో ఈ దినోత్సవాన్ని నిర్వహిస్తున్నారు. ఈ అంశంపై భారత్ సహా ప్రపంచవ్యాప్తంగా అనేక కార్యక్రమాలు నిర్వహిస్తున్నారు.
ఈ ఏడాది ప్రపంచ దృష్టి దినోత్సవం సందర్భంగా పని ప్రదేశంలో వారి దృష్టి విషయాన్ని రక్షించుకోవడం. దీంతోపాటు దాని ప్రాముఖ్యతను అర్థం చేసుకుని సౌకర్యాలు మెరుగుపరచుకోవాలి. అందుకోసం ప్రతిచోటా వ్యాపార సంస్థలు కూడా కార్మికుల కంటి(eye) ఆరోగ్యానికి ప్రాధాన్యత ఇవ్వాలి. ఈ ప్రపంచ దృష్టి దినోత్సవాన్ని 2000 సంవత్సరం నుంచి నిర్వహిస్తున్నారు. ప్రపంచ ఆరోగ్య సంస్థతో పాటు అంధత్వ నివారణ కోసం అంతర్జాతీయ ఏజెన్సీచే ఈ కార్యక్రమం సమన్వయం చేయబడుతుంది. ఇది మొదట లయన్స్ క్లబ్ ఇంటర్నేషనల్ ఫౌండేషన్ ద్వారా SightFirstCampaignలో భాగంగా నిర్వహించారు.
ఇది కూడా చూడండి: Healthy Foods: బ్రేక్ ఫాస్ట్ లో అస్సలు తినకూడని ఆహారాలు ఇవే..!
