What is happening between Pawan Kalyan and Bandla Ganesh?
Pawan: ఒక్క మాటలో చెప్పాలంటే.. పవన్ అంటే బండ్లన్నకు దైవంతో సమానం. ఒక్కసారి బండ్లన్నకు పవన్ పూనుకుంటే చాలు.. అభిమానులు ఈలలు, గోలలతో మరింత ఊపునిస్తారు. అందుకే.. పవర్ స్టార్ సినిమా ప్రతీ ఈవెంట్‌లో బండ్లన్న కావాల్సిందేనని పట్టుబడుతుంటారు పవన్ ఫ్యాన్స్. భీమ్లా నాయక్ సినిమా నుంచి పవన్ సినిమా ఈవెంట్లలో కనిపించడం లేదు బండ్లన్న. మాటల మాంత్రికుడు త్రివిక్రమ్ వల్లే అది కుదరడం లేదని బండ్ల ఫ్యాన్స్ చెబుతున్న వెర్షన్. ఎందుకంటే.. భీమ్లా నాయక్ ఈవెంట్‌ సమయంలో త్రివిక్రమ్ తనని రానివ్వడం లేదని బండ్ల గణేష్ మాట్లాడినట్టుగా ఓ ఆడియో లీక్ అయి వైరల్‌ అయిన సంగతి తెలిసిందే. అది తనది కాదని బండ్లన్న చెబుతున్నప్పటికీ.. ఆ ఆడియో అతనిదేనని పవర్ స్టార్ ఫ్యాన్స్ ఫీలింగ్.
చదవండి: Chiru: కథ మారింది.. మరో మెగా రీమేక్?
అప్పటి నుంచి పవన్ ఈవెంట్లకు దూరమయ్యాడు బండ్లన్న. అంతేకాదు.. త్రివిక్రమ్, బండ్ల గణేష్ ఇద్దరిలో ఒకరుంటే ఒకరు ఈవెంట్లకు రారానే టాక్ కూడా ఉంది. భీమ్లా నాయక్ ఈవెంట్‌కు బండ్ల గణేష్ రాలేదు. బ్రో సినిమా విషయంలోనూ ఇదే జరిగింది. రీసెంట్‌గా జరిగిన ‘బ్రో’ సినిమా ప్రీ రిలీజ్ ఈవెంట్‌కు బండ్లన్న రాలేదు. త్రివిక్రమ్ వస్తాడనే కారణంగా బండ్ల ఈ ఈవెంట్‌కు రాలేదని అనుకున్నారు. అసలు మ్యాటర్ వేరే ఉందంటున్నారు. ‘బ్రో’ మూవీ ప్రీ రిలీజ్ వేడుకకు త్రివిక్రమ్ రాలేదు. అయినా కూడా బండ్ల గణేష్ ఈవెంట్‌కు రాలేదు. ఈ లెక్కన పవన్‌తో బండ్లన్నకు చెడిందని.. ఇద్దరి మధ్య బాగా దూరం పెరిగిందనే టాక్ నడుస్తోంది. ఇందులో నిజమెంత అనేది తెలియదు గానీ.. మళ్లీ తన దేవుడితో సినిమా చేయాలని ట్రై చేస్తున్నాడు బండ్లన్న. మరి అది ఎప్పుడు సాధ్యమవుతుందో చూడాలి.
