జనతా గ్యారేజ్ వంటి కమర్షియల్ హిట్ తర్వాత ఎన్టీఆర్, కొరటాల కలిసి చేస్తున్న సినిమా దేవర (Devara Movie). ఫస్ట్ టైం కొరటాల చేస్తున్న పాన్ ఇండియా ప్రాజెక్ట్ ఇదే. దాంతో దేవర పై భారీ అంచనాలున్నాయి. ఇప్పటి వరకు జరిగిన దేవర షెడ్యూల్స్‌లో భారీ యాక్షన్ సీక్వెన్స్‌ షూట్ చేశాడు కొరటాల. సముద్రం బ్యాక్ డ్రాప్‌లో హాలీవుడ్ టెక్నిషియన్స్‌తో భారీ ఫైట్ షూట్ చేశాడు. అయితే ప్రస్తుతం దేవర షూటింగ్‌కు బ్రేక్ ఇచ్చారు. కొంతమంది ఆర్టిస్టుల డేట్స్ అడ్జస్ట్ కాకపోవడంతో దేవర లేటెస్ట్ షెడ్యూల్‌కి బ్రేక్ పడింది.
చదవండి: Hidimbha: ‘హిడింబ’ ట్రైలర్ లాంచ్ ఈవెంట్..ఫోటో గ్యాలరీ
జులై 20 నుంచి నాలుగు రోజుల పాటు మళ్లీ షూటింగ్ చేయనున్నారు. ఆ తర్వాత ఏ మాత్రం గ్యాప్ లేకుండా దేవర షూటింగ్ చేయనున్నారు. ఎట్టి పరిస్థితుల్లోను నవంబర్ వరకు షూటింగ్ కంప్లీట్ చేసేలా టార్గెట్ పెట్టుకున్నాడు ఎన్టీఆర్. ఎందుకంటే దేవర కంప్లీట్ అవడమే లేట్.. వెంటనే వార్ 2లో జాయిన్ అయ్యేందుకు రెడీ అవుతున్నాడు తారక్. అన్ని అనుకున్నట్టుగా జరిగితే.. నవంబర్ వరకు దేవర షూటింగ్ కంప్లీట్ చేసి.. నవంబర్ మంత్ ఎండింగ్‌లో వార్2లో జాయిన్ అవనున్నాడట తారక్. యష్ రాజ్ స్పై యూనివర్స్‌లో భాగంగా హృతిక్ రోషన్‌తో కలిసి వార్2ని భారీగా ప్లాన్ చేస్తున్నారు.
చదవండి: Priya prakash Varrier: పవన్ కళ్యాణ్‌తో నటించడం గర్వంగా ఉంది: ప్రియాప్రకాష్ వారియర్
ఇందులో ఎన్టీఆర్ విలన్‌గా కనిపించబోతున్నాడు. నవంబర్‌లో స్టార్ట్ అవనున్న వార్ 2 ఫస్ట్ షెడ్యూల్‌లో ఎన్టీఆర్-హృతిక్ రోషన్‌లపై కీలక సన్నివేశాలను చిత్రీకరించనున్నట్టు తెలుస్తోంది. ఇదిలా ఉంటే ఈ సినిమా కథ గురించి బాలీవుడ్‌లో ఓ ఇంట్రెస్టింగ్ న్యూస్ హల్చల్ చేస్తోంది. ఇద్దరు ప్రాణ స్నేహితులు కొన్ని పరిస్థితుల వల్ల చివరకు శత్రువులుగా మారితే వారి మధ్య జరిగే వార్ ఎలా ఉంటుందనేదే వార్ 2 కథ అని అంటున్నారు. ఇప్పటికే బ్రహ్మాస్త్ర డైరెక్టర్ అయాన్ ముఖర్జీ పవర్ ఫుల్ స్క్రిప్ట్ రెడీ చేశాడట. మరి వార్2లో ఎన్టీఆర్ విలనిజం ఎలా ఉంటుందో చూడాలి.
