సూపర్ స్టార్ మహేష్ బాబు ఈసారి ముగ్గురు ముద్దుగుమ్మలతో రొమాన్స్ చేయబోతున్నాడా.. అంటే ఔననే వినిపిస్తోంది. ప్రస్తుతం మాటల మాంత్రికుడు త్రివిక్రమ్ దర్శకత్వంలో ఎస్ఎస్ఎంబీ 28 ప్రాజెక్ట్ చేస్తున్నాడు మహేష్. ఇటీవల రెగ్యూలర్ షూటింగ్ స్టార్ట్ అయింది. త్వరలోనే కొత్త షెడ్యూల్ స్టార్ట్ చేయబోతున్నారు. ఈ సినిమాలో పూజా హెగ్డే, యంగ్ బ్యూటీ శ్రీలీల ఇద్దరు హీరోయిన్లుగా నటిస్తున్నారు. అయితే ఇప్పుడు మరో బ్యూటీ కూడా ఈ క్రేజీ ప్రాజెక్ట్‌లో జాయిన్ అవనుందని తెలుస్తోంది. అది కూడా బాలీవుడ్ బ్యూటీని రంగంలోకి దింపుతున్నాడట త్రివిక్రమ్. లేటెస్ట్ అప్టేట్ ప్రకారం.. ఈ సినిమాలో బాలీవుడ్ హాట్ బ్యూటీ భూమి పడ్నేకర్‌ను కీలక పాత్రలో తీసుకున్నట్టు తెలుస్తోంది. ఆమె పాత్ర సెకండ్ హాఫ్‌లో చాలా కీలకంగా ఉంటుందట. అది కూడా పోలీస్ ఆఫీసర్ రోల్ అని తెలుస్తోంది. ఇప్పటికే ఆమె కూడా ఓకే చెప్పిందని ప్రచారం జరుగుతోంది. బాలీవుడ్‌లో భూమికంటూ ఓ ప్రత్యేక ఇమేజ్ ఉంది. విభిన్న పాత్రలు చేస్తు ఆకట్టుకుంటోంది. కానీ అమ్మడు ఆశించినంత స్టార్‌డమ్ సొంతం చేసుకోలేకపోయింది. అయితే ఇప్పుడు మహేష్ ఛాన్స్ అంటే.. అమ్మడికి టాలీవుడ్ ఎంట్రీ అదిరిపోతుందని చెప్పొచ్చు. ఇంతకు ముందు మృణాల్ ఠాకూర్ కూడా బాలీవుడ్‌లో ఆకట్టుకోలేకపోయింది. కానీ సీతారామం మూవీలో సీత పాత్రతో.. తెలుగులోకి సాలిడ్ ఎంట్రీ ఇచ్చింది. ఇక ఇప్పుడు భూమి పడ్నేకర్.. మహేష్‌తో ఛాన్స్ అందుకుంటే మాత్రం.. అమ్మడి దశ తిరిగినట్టే. మరి ఇందులో ఎంతవరకు నిజముందో చూడాలి.
