తిరుమలలో శ్రీవారి వార్షిక బ్రహ్మోత్సవాలు వేడుకగా సాగాయి. మంగళవారం నిర్వహించిన చక్రస్నానంతో బ్రహ్మోత్సవాలు ముగిశాయి. బ్రహ్మోత్సవాల్లో భాగంగా చివరి రోజు ఉదయం పుష్కరణి‌లో శ్రీవారికి చక్రస్నానం చేశారు. ఈ కార్యక్రమానికి టీటీడీ చైర్మన్ భూమణ కరుణాకర్ రెడ్డి, ఈవో ధర్మారెడ్డి విచ్చేసి కార్యక్రమాన్ని జయప్రదం చేశారు. అంతకుముందు శ్రీదేవి భూదేవి సమేత మలయప్ప స్వామి చక్రత్తాళ్వారుకు ఘనంగా స్నపన తిరుమంజనం నిర్వహించారు.
చదవండి: APSRTC Offer: గుడ్ న్యూస్ చెప్పిన ఏపీఎస్ఆర్టీసీ..60 ఏళ్లు దాటిన వారికి 25 శాతం రాయితీ
శ్రీవారి పుష్కరిణిలో భక్తులను పుణ్యస్నానాలు చేసేందుకు అనుమతించడంతో భక్తులు తరలివచ్చారు. పుష్కరిణిలో భక్తులు గోవింద నామస్మరణలతో మునిగితేలారు. అలాగే తిరువీధులన్నీ గోవింద నామస్మరణతో దద్దరిల్లాయి. మంగళవారం సాయంత్రం శ్రీవారి ఆలయంలో నిర్వహించిన ధ్వజావరోహణంతో శ్రీవారి సాలకట్ల బ్రహ్మోత్సవాలు ముగిశాయి.
