ఘోర రోడ్డు ప్రమాదం (Road Accident)లో చిన్నారి సహా 8 మంది సజీవదహనం అయిన ఘటన ఉత్తరప్రదేశ్‌ (Uttarapradesh)లో చోటుచేసుకుంది. బరేలీ ప్రాంతంలో జాతీయ రహదారిపై వెళ్తున్న ట్రక్కు, కారు ఢీకొన్నాయి. ఆ సమయంలో కారులో మంటలు చెలరేగడంతో చిన్నారి సహా 8 మంది ప్రాణాలు (8 members died) విడిచారు. పోలీసులు, అగ్నిమాపక సిబ్బంది సంఘటనా స్థలానికి చేరుకుని మంటలను అదుపు చేశారు. కారులో ఏడుగురు పెద్దలు, ఒక చిన్నారి దగ్ధమైనట్లుగా పోలీసులు వెల్లడించారు.
చదవండి: Karnisena: సుఖదేవ్ హత్యకేసు..ముగ్గురు అరెస్ట్
ప్రమాద స్థలంలోని సీసీఫుటేజ్‌ను పోలీసులు పరిశీలించారు. ప్రమాదం జరగడానికి ముందుగా కారు డోర్లు జామ్ అయ్యాయి. ఆ సమయంలో కారులో నుంచి ఎవ్వరూ బయటకు రాలేకపోయారు. అదే టైంలో అటువైపుగా వస్తున్న ట్రక్కును కారు ఢీకొందని, మంటలు చెలరేగి అందులో ఉన్న వారంతా సజీవదహనం అయ్యారని బరేలీ సూపరింటెండెంట్ ఆఫ్ పోలీస్ సుశీల్ చంద్ర భాన్ ధులే వెల్లడించారు.
చదవండి: University of Iraq: ఇరాక్ యూనివర్సిటీ హాస్ట్‌ల్‌లో భారీ అగ్నిప్రమాదం.. 14 మంది మృతి
కారులోని ప్రయాణికుంతా వివాహానికి వెళ్తున్నట్లు పోలీసులు గుర్తించారు. ఈ ప్రమాదంలో చనిపోయిన 8 మంది మృతదేహాలను పోస్టుమార్టం నిమిత్తం ఆస్పత్రికి తరలించారు. ఒకే కుటుంబానికి చెందిన వారు మరణించడంతో విషాదం నెలకొంది. ఈ ప్రమాదంపై మృతుల బంధువులకు సమాచారం ఇచ్చినట్లు పోలీసులు వెల్లడించారు. ఈ ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
