ఆయుర్వేదిక్ సిరప్ (Ayurvedic Syrup) తాగి ఐదుగురు మరణించిన ఘటన గుజరాత్ (Gujarat)లో చోటుచేసుకుంది. ఈ ఘటనలో మరికొందరు తీవ్ర అస్వస్థతకు గురై ఆస్పత్రిలో చికిత్స పొందుతున్నారు. ఆయుర్వేదిక్ టానిక్‌లో విషపూరితమైన మిథైల్ ఆల్కహాల్ ఉన్నట్లుగా అధికారులు గుర్తించారు. ఐదుగురు చికిత్స పొందుతూ మృతిచెందడంతో ఖేడా జిల్లాలోని బిలోదర గ్రామంలో విషాదచాయలు అలముకున్నాయి.
చదవండి: Fire Accident: ఫ్యాక్టరీలో పేలుడు..ఏడుగురు కార్మికులు సజీవదహనం
బిలోదర (Bilodara) గ్రామానికి చెందిన ఓ ఆయుర్వేదిక్ షాప్ వ్యక్తి ‘కల్మేఘాసన్-అసవ అరిష్టా’ అనే బ్రాండ్‌తో ఉన్న ఆయుర్వేద టానిక్‌ను సుమారు 50 మందికి అమ్మాడు. ఆ సిరప్ తాగడం వల్ల రెండు రోజుల్లో ఐదుగురు మృత్యువాత (5 died) పడ్డారు. టానిక్ తాగడం వల్ల తీవ్ర అస్వస్థతకు గురై మరో ఇద్దరు ఆస్పత్రిలో చికిత్స పొందుతున్నారు. వారి పరిస్థితి విషమంగా ఉందని వైద్యులు తెలిపారు.
చదవండి: Telangana elections 2023:లో విషాదం..కూప్పకూలి ఉద్యోగి మృత్యువాత
విషయం తెలుసుకున్న పోలీసులు రంగంలోకి దిగి దర్యాప్తు చేపట్టారు. ఆయుర్వేదిక్ సిరప్ (Ayurvedic Syrup) అమ్మిన వ్యక్తితో పాటుగా మరో ఇద్దరిని అరెస్ట్ చేసినట్లు వెల్లడించారు. ఆయుర్వేద టానిక్ తాగిన ఓ వ్యక్తి రక్త నమూనాలను పరిశీలించామని, విషపూరితమైన మిథైల్ ఆల్కహాల్ ఆ సిరప్‌లో ఉన్నట్లుగా అధికారులు గుర్తించినట్లు తెలిపారు. ఈ ఘటనపై కేసు నమోదు (Case File) చేసుకున్న పోలీసులు మరికొందరిని విచారిస్తున్నారు.
