Vehicle Sales: భారతదేశంలో పండుగల సీజన్ ఇంకా పూర్తిగా ప్రారంభం కాలేదు. కానీ అప్పుడే మార్కెట్ కు పండుగ వాతావరణం వచ్చింది. ఏడాదిలో ఈ పండుగల సీజన్ అన్ని రకాల షాపింగ్‌లకు ఉత్తమమైనదిగా నిపుణులు భావిస్తారు. వాహనాల కొనుగోలుకు కూడా ఇది ఉత్తమమైన సీజన్. ఓ నివేదిక ప్రకారం దేశంలో ప్రతిరోజూ 62,000 కంటే ఎక్కువ వాహనాలు అమ్ముడవుతున్నాయి. అక్టోబర్ ద్వితీయార్థంలో వీటి సంఖ్య మరింత పెరగవచ్చు. దేశంలోని చాలా మంది వ్యక్తుల ఫస్ట్ ఛాయిస్ టు వీలర్లే అని ఆ నివేదిక వెల్లడించింది. భారతదేశంలోని ఆటో కంపెనీలు ప్రతి నెలా ఫ్యాక్టరీ నుండి బయటికి వచ్చిన వాహనాల వివరాలను పంచుకుంటాయి. రిటైల్‌లో వారి అమ్మకాలు చాలా భిన్నంగా ఉంటాయి. అంతిమంగా, డీలర్ల దుకాణాల నుండి వాహనాల రిటైల్ విక్రయాల మొత్తాన్ని డీలర్ల సంస్థ ‘ఫెడరేషన్ ఆఫ్ ఆటోమొబైల్ డీలర్స్ అసోసియేషన్’ (FADA) నిర్వహిస్తుంది.
FADA సెప్టెంబర్ 2023 విక్రయాల తాజా డేటాను పంచుకుంది. ఇది గత సంవత్సరంతో పోలిస్తే ఈ సంవత్సరం సెప్టెంబర్‌లో వాహనాల మొత్తం అమ్మకాలు 20.36శాతం పెరిగాయని చూపిస్తుంది. గతేడాది సెప్టెంబర్‌లో దేశంలో మొత్తం 15,63,735 వాహనాలు విక్రయించగా, ఈ ఏడాది 18,82,071 వాహనాలకు పెరిగాయి. దేశంలో అమ్ముడైన మొత్తం వాహనాల్లో 70 శాతం వాహనాలు కేవలం 2-వీలర్లే. సెప్టెంబర్ 2023లో దేశంలో 13,12,101 ద్విచక్ర వాహనాలు అమ్ముడయ్యాయి. ప్యాసింజర్ వాహనాల విక్రయాలు 3,32,248 యూనిట్లు మాత్రమే. గతేడాదితో పోల్చితే ద్విచక్ర వాహనాల విక్రయాల్లో 21.68 శాతం వృద్ధి నమోదైతే, ప్యాసింజర్ వాహనాల విక్రయాల్లో మాత్రం 19.03 శాతం వృద్ధి నమోదైంది.
చదవండి:Nagarjuna: అమ్మో.. కింగ్ ధరించిన షర్ట్ ఇన్ని లక్షలా!
2-వీలర్లు, ప్యాసింజర్ వాహనాలను మినహాయిస్తే దేశంలో 3-వీలర్ల అమ్మకాలు గతేడాదితో పోలిస్తే 48.58 శాతం పెరిగాయి. ఇ-రిక్షా, ఆటో రిక్షా, ఇ-రిక్షా పికప్, పికప్ త్రీ-వీలర్లు మొదలైన వాటితో కలిపి మొత్తం అమ్మకాలు 1,02,426 యూనిట్లుగా ఉన్నాయి. వాణిజ్య వాహనాల విక్రయాలు 80,804 యూనిట్లుగా ఉన్నాయి. సెప్టెంబర్ 2023లో దేశంలో మొత్తం 54,492 ట్రాక్టర్లు విక్రయించబడ్డాయి.
