తెలుగుదేశం పార్టీ సీనియర్ నేత అయ్యన్న పాత్రుడు(Ayyanna Patrudu) అరెస్టు అయ్యాడు. ఆయనను రాజమండ్రి సీఐడీ పోలీసులు గురువారం తెల్లవారుజామున అరెస్టు చేశారు. అర్థరాత్రి సమయంలో సీఐడీ పోలీసులు.. అయ్యన్న పాత్రుడి ఇంటి గోడ దూకి మరీ ఇంట్లోకి ప్రవేశించడం గమనార్హం.
ఇంట్లోకి ప్ర‌వేశించిన సీఐడీ పోలీసులు అయ్యన్న పాత్రుడు, అత‌ని కుమారుడు రాజేష్‌ల‌ను అదుపులోకి తీసుకున్నారు. అర్థరాత్రి నుంచి తెల్ల‌వారుజాము వ‌ర‌కు పోలీసులు అయ్యన్న ఇంట్లో హ‌ల్‌చ‌ల్ చేశారు. ఇంటిగోడ కూల్చివేత విష‌యంలో ఫోర్జ‌రీ ప‌త్రాలు స‌మ‌ర్పించార‌ని అయ్య‌న్న‌పై అభియోగాలు ఉండ‌టంతో సీఐడీ పోలీసులు అదుపులోకి తీసుకున్నారు.
ఆయ‌న‌పై ప‌లు నాన్ బెయిలబుల్ సెక్ష‌న్ల కింద కేసులు న‌మోదు చేశారు. అయ్యన్న పాత్రుడుని ఏలూరు కోర్టులో హాజ‌రుప‌రుస్తామ‌ని సీఐడీ పోలీసులు పేర్కొన్నారు. అర్థరాత్రి ఇంట్లోకి దూరి హ‌ల్‌చ‌ల్ చేయ‌డం, వీడియోలు తీస్తున్న‌వారి మొబైల్ ఫోనులు లాక్కోవ‌డంపై టీడీపీ నేత‌లు ఆగ్ర‌హం వ్య‌క్తం చేస్తున్నారు.
ఇది కూడా చూడండి: వైసీపీ ఎమ్మెల్సీ(Challa Bhageerath Reddy) కన్నుమూత…!
