పవర్ స్టార్ పవన్ కళ్యాణ్(Pawan Kalyan), సాయి తేజ్(sai dharam tej) నటిస్తున్న చిత్రం నుంచి క్రేజీ అప్ డేట్ వచ్చేసింది. ఈ సినిమాను జూలై 28, 2023న థియేటర్లలో విడుదల చేయనున్నట్లు మేకర్స్ ప్రకటించారు. అయితే తమిళ్ సూపర్ హిట్ చిత్రం వినోదయ సీతమ్ సినిమాకి రీమేక్ అవుతున్న ఈ చిత్రానికి ఇంకా టైటిల్ పెట్టలేదు. ఈ సినిమాకు సముద్రకని(samuthirakani) దర్శకత్వం వహిస్తుండగా, పీపుల్ మీడియా ఫ్యాక్టరీ ఈ చిత్రాన్ని నిర్మిస్తోంది. ఈ ప్రాజెక్ట్ రెగ్యులర్ షూటింగ్ శరవేగంగా జరుగుతోంది.
పవన్ కళ్యాణ్ ఈ ప్రాజెక్ట్ షూటింగ్ కోసం కేవలం 20 రోజులు మాత్రమే కేటాయించాడు. ఈ క్రమంలో రోజుకు రెమ్యునరేషన్ 2 కోట్లు రూపాయలు తీసుకుంటున్నట్లు తెలుస్తోంది. ఈ సినిమాలో పవన్ కళ్యాణ్, సాయి ధరమ్ తేజ్ లతో పాటు కేతిక శర్మ, ప్రియా ప్రకాష్ వారియర్ కూడా నటించనున్నారు. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి. మరోవైపు పవన్ కళ్యాణ్, సాయిధరమ్ తేజ్ తొలిసారి కలిసి తెరపై కనిపించనున్న నేపథ్యంలో ప్రేక్షకుల్లో ఉత్కంఠ నెలకొంది. చాలా నిరీక్షణల తర్వాత, ‘PKSDT’ నిర్మాతలు సినిమా విడుదల తేదీని ప్రకటించారు.
చదవండి: Ranveer Singh చేయి ఇచ్చినా పట్టించుకోని దీపిక..అప్పుడే డివోస్?
ఇంకోవైపు పవన్ కళ్యాణ్ తన కొత్త సినిమా కోసం యంగ్ మూవీ డైరెక్టర్ సుజీత్‌తో కలిసి పని చేయనున్నాడు. ఆ కొత్త ప్రాజెక్ట్‌ను డీవీవీ(DVV) ఎంటర్‌టైన్‌మెంట్ పతాకంపై డీవీవీ దానయ్య నిర్మించనున్నారు.
ఇప్పటికే పవన్ నటించిన హరి హర వీర మల్లు(hara hara veera mallu) చిత్రం మార్చి 30, 2023న విడుదల కానుంది. ఈ సినిమా పీరియాడికల్ యాక్షన్-అడ్వెంచర్ చిత్రంగా తెరకెక్కినట్లు తెలుస్తోంది. ఈ చిత్రంలో పవన్ కళ్యాణ్‌తో పాటు నిధి అగర్వాల్, అర్జున్ రాంపాల్, నర్గీస్ ఫక్రీ నటించారు. పవన్ కళ్యాణ్ చివరిసారిగా 2022లో వచ్చిన భీమ్లా నాయక్‌ చిత్రంలో యాక్ట్ చేశారు. రానా దగ్గుబాటి, నిత్యా మీనన్, సంయుక్త మీనన్ నటించిన ఈ చిత్రానికి సాగర్ కె చంద్ర దర్శకత్వం వహించారు.
View this post on Instagram
చదవండి: Ranveer Singh చేయి ఇచ్చినా పట్టించుకోని దీపిక..అప్పుడే డివోస్?
