AP: కృష్ణా జిల్లాలో చెన్నై-కోల్‌కతా జాతీయ రహదారిపై ప్రమాదం జరిగింది. ఈ ప్రమాదంలో ఇద్దరు మృతి చెందగా.. ముగ్గురికి గాయాలయ్యాయి. గన్నవరం శివారులో తెల్లవారుజామున ఈ ఘటన జరిగింది. విశాఖ నుంచి వస్తున్న కారును వెనుక నుంచి లారీ ఢీ కొట్టింది. మృతులు బాపట్ల జిల్లా కోటపాడుకు చెందిన మార్క్(25), మేరీ(38)గా గుర్తించారు. విజయవాడ జీజీహెచ్‌కు క్షతగాత్రులను పోలీసులు తరలించారు.
SKLM: జాతీయ రహదారిపై జరిగిన ప్రమాదంలో వ్యక్తి దుర్మరణం పాలైన ఘటన రణస్థలం మండలంలో బుధవారం చోటుచేసుకుంది. రణస్థలం పోలీసులు తెలిపిన వివరాల ప్రకారం. మండలంలో నెలివాడకు చెందిన ఎండువ సింహాచలం(51) రణస్థలం సబ్లజిస్ట్రార్ కార్యాలయంకు పని నిమిత్తం వచ్చి ద్విచక్ర వాహనంపై తిరిగి వెళ్తున్నారు. దన్నానపేట సమీపంలోకి రాగానే వాహనం అదుపు తప్పి ప్రమాదం జరిగింది.
AKP: నక్కపల్లి మండలం గొడిచర్ల గ్రామంలో తీవ్ర విషాద ఛాయలు అలుముకున్నాయి. బుధవారం రాత్రి 10 గంటల ప్రాంతంలో ఉద్దండపురం హైవే వద్ద జరిగిన రోడ్డు ప్రమాదంలో ఈ గ్రామానికి చెందిన ఇద్దరు యువకులు ఆవాల నవీన్ (19), కిల్లాడ నాగేశ్వరరావు (22) బైక్పై వెళ్తూ లారీని ఢీ కొట్టడంతో అక్కడికక్కడే మృతి చెందారు. ఈ ఇద్దరు యువకులు పొలం పని చేసుకుని జీవనం సాగిస్తున్నారు.
బీహార్‌లోని ఔరంగాబాద్ జిల్లాలో విషాదం చోటుచేసుకుంది. జీవిత పుత్రిక పర్వదిన సందర్భంగా రెండు వేర్వేరు గ్రామాల్లో చెరువులో స్నానాలు చేస్తూ 8 మంది చిన్నారులు మునిగిపోయారు. చిన్నారుల మృతిపై ఆ రాష్ట్ర సీఎం నితీష్ కుమార్ సంతాపం వ్యక్తం చేశారు. మృతుల కుటుంబాలకు రూ.4లక్షల చొప్పున పరిహారం అందించనున్నట్లు ప్రకటించారు.
VZM: తెర్లాం మండలములోని అంట్లవార గ్రామంలో బుధవారం సాయంత్రం పొలములో తెగిన విద్యుత్ తీగలు కాలికి తగిలి గ్రామానికి చెందిన రైతు కోట రామారావు(48) అక్కడికక్కడే చనిపోయాడు. ఈయనకు భార్య చిన్నమ్మ, ఇద్దరు కుమారులు ఉన్నారు. సంఘటన స్థలాన్ని స్థానిక ఎస్సై బి.సాగర్ బాబు పరిశీలించి కుటుంబ సభ్యులు ఇచ్చిన ఫిర్యాదుపై కేసు నమోదు చేసి దర్యాప్తు చేస్తున్నట్లు ఆయన తెలిపారు.
VZM: సాలూరు మండలం ఖరాసవలసలో ఈనెల 20న నమోదైన ఖరాసమ్మ అనుమానస్పద మృతి కేసులో మిస్టరీ వీడింది. భర్తే హత్య చేసినట్లు పోలీసులు గుర్తించారు. ఈ మేరకు బుధవారం సాలూరు సీఐ విలేకరులతో మాట్లాడారు. ఖరాసవలసలో ఖరాసమ్మ మృతిపై పోలీసులు అనుమానాస్పద మృతిగా కేసు నమోదు చేశారు. భర్త బొడ్డు దొర శ్రీనును విచారించగా చున్నీని గొంతుకు బిగించి హత్య చేసినట్లు అంగీకరించాడన్నారు.
AP: చిత్తూరు జిల్లా మొగిలిఘాట్‌ రోడ్డులో ఘోర రోడ్డుప్రమాదం చోటుచేసుకుంది. ఆగి ఉన్న లారీని మరో లారీ ఢీకొట్టడంతో ఒక్కసారిగా లారీలో మంటలు చెలరేగాయి. ఈ మంటల్లో ఇద్దరు డ్రైవర్లతోపాటు మరొకరు సజీవదహమైనట్లు తెలుస్తోంది. ప్రమాదానికి గల పూర్తి వివరాలు తెలియాల్సి ఉంది.
VSP: ఇతర రాష్ట్రాలకు గంజాయి తరలిస్తున్న ఇద్దరు యువకులను 4వ పట్టణ పోలీసులు అరెస్టు చేశారు. కర్ణాటకకు చెందిన సద్దాం అహ్మద్, కె.ఎం.ప్రజ్వల్ ఒరిస్సాలో 10 కిలోల గంజాయి కొనుగోలు చేసి విశాఖ తీసుకువచ్చారు. దీనిని కర్ణాటకకు తరలించేందుకు రామా టాకీస్ వద్దకు చేరుకున్నారు. ద్వారక పోలీసులు వారి బ్యాగులను తనిఖీ చేయగా 10 కిలోల గంజాయి లభించినట్లు సీఐ వెంకటరమణ తెలిపారు.
ప్రకాశం: కనిగిరి మండలం మాచవరంలో ఉరి వేసుకుని బాలుడు ఆత్మహత్యకు పాల్పడిన సంఘటన బుధవారం చోటుచేసుకుంది. మృతుడి పెదనాన్న ఏడుకొండలు తెలిపిన వివరాల ప్రకారం.. గత కొన్ని రోజులుగా మానసిక స్థితి సరిగా లేక ఇబ్బంది పడుతున్న మధుసూదన్ (14) మాచవరంలోని అమ్మమ్మ ఇంట్లో ఎవరూ లేని సమయంలో ఆత్మహత్యకు పాల్పడ్డాడు. అనంతరం ఘటనా స్థలానికి చేరుకున్న పోలీసులు కేసు నమోదు చేశారు.
NLR: పొదలకూరు పట్టణంలోని విఘ్నేశ్వరపురం కాలనీలో అక్రమ మద్యం విక్రయాలపై బుధవారం పోలీసులు దాడులు నిర్వహించారు. ఎస్ఐ హనీఫ్ కు వచ్చిన సమాచారం మేరకు తమ సిబ్బందితో దాడులు నిర్వహించగా 28 మద్యం బాటిళ్లతో సహా శ్రీనివాసులు అనే వ్యక్తిని అదుపులోకి తీసుకున్నట్లు ఎస్ఐ తెలిపారు. ఈ దాడుల్లో సిబ్బంది ఇలియాజ్, సుబ్బారావు, రమేష్, రాజశేఖర్ రెడ్డి తదితరులు పాల్గొన్నారు.
VZM: సోషల్‌ మీడియాలో చేసే రీల్స్‌ మీద మక్కువ ఆ యువకుడి ప్రాణం తీసింది. ఉన్నతంగా చదువుకుని కుటుంబాన్ని ఆదుకోవాల్సిన ఇంటర్మీడియట్‌ ద్వితీయ సంవత్సరం చదువుతున్న విద్యార్థి గంట్యాడకు చెందిన రాళ్లపూడి పవన్‌ (17) రీల్స్‌ చేస్తూ బుధవారం గెడ్డలో జారి పడి మృతిచెందాడు.
TG: ఆదిలాబాద్ జిల్లాలో భారీగా గంజాయిని పోలీసులు పట్టుకున్నారు. కంటైనర్‌లో తరలిస్తున్న 9 క్వింటాళ్ల గంజాయి సీజ్ చేశారు. ఏపీ నుంచి మహారాష్ట్ర తరలిస్తుండగా స్వాధీనం చేసుకున్నారు. దీని విలువ సుమారు రూ.2 కోట్లకు పైగా ఉంటుందని అంచనా వేశారు. ఉత్తరాఖండ్‌కు చెందిన ఇద్దరు స్మగ్లర్లను పోలీసులు అరెస్ట్ చేశారు. తలమడుగు మండలం లక్ష్మీపూర్‌లో ఘటన జరిగింది.
MNCL: మంచిర్యాల రైల్వే స్టేషన్‌లో ప్లాట్ ఫాం నెంబర్- 2 గద్దెపై నుండి కింద పడి గుర్తుతెలియని వృద్దుడు తీవ్రంగా గాయపడ్డాడు. కుడివైపు నుదుటిపై బలమైన గాయమైన వృద్ధుడిని వెంటనే 108 అంబులెన్స్ ద్వారా మంచిర్యాల ప్రభుత్వ ఆసుపత్రికి తరలించారు. వృద్దుడు వివరాలు తెలిసిన వారు 8712658596, 9701112343 నంబర్లకు సమాచారం ఇవ్వాలని జీఆర్పీ ఎస్ఐ ఎ. మహేందర్ తెలిపారు.
చెన్నై యువకుడికి తాను పనిచేసిన కంపెనీ నుంచి బెదిరింపులు ఎదురయ్యాయి. అతడు అనారోగ్య సమస్యకు గురవ్వడంతో జాబ్‌కు రిజైన్ చేసి, ఎక్స్‌పీరియన్స్ లెటర్ ఇవ్వాలని కంపెనీని కోరాడు. అయితే బ్యాక్‌గ్రౌండ్ వెరిఫికేషన్‌లో తప్పు చేసినట్లు రిపోర్టు ఇస్తామని కంపెనీ బెదిరించింది. అలా చేయకుండా ఉండాలంటే తమకు 3 నెలల జీతం చెల్లించాలని డిమాండ్ చేసింది. ఈ విషయాన్ని రెడ్డిట్‌లో ర్యాండీ31599 అనే య...
AP: శ్రీకాకుళం జిల్లా రణస్థలం మండలంలో విషాదం చోటుచేసుకుంది. పాతర్లపల్లిలో నిర్మాణంలో ఉన్న ప్రభుత్వ పాఠశాల భవనం కూలింది. ఈ ప్రమాదంలో ఇద్దరు విద్యార్ధులు మృతి చెందగా.. మరొకరి పరిస్థితి విషమంగా ఉంది. మృతులు కృష్ణంరాజు(15), శ్రీరాములు(14)గా స్థానికులు గుర్తించారు.
