ఇండోనేషియాలోని సుమత్రా దీవుల్లో ఉన్న ఓ బంగారు గనిలో ప్రమాదం చోటు చేసుకుంది. భారీ వర్షాల కారణంగా గనిలో కొండచరియలు విరిగిపడి 15 మంది మృతి చెందారు. పలువురికి గాయాలయ్యాయి. కొందరు వ్యక్తులు అక్రమ మైనింగ్‌కు పాల్పడుతుండగా ఈ ప్రమాదం జరిగింది. ఘటనా స్థలంలో సహాయక చర్యలు కొనసాగుతున్నాయి. మరిన్ని వివరాలు తెలియాల్సి ఉంది.
ప్రకాశం: సింగరాయకొండలోని లారీ యూనియన్‌ ఆఫీస్‌ ఎదురుగా కలకత్తా నుంచి బెంగళూరుకు వెళుతున్న కూరగాయల లారీని,మరో లారీ ఎదురుగా ఢీకొట్టిన సంఘటన శుక్రవారం తెల్లవారుజామున జరిగింది. ఈ ప్రమాదంలో కూరగాయల లారీ డ్రైవర్ క్యాబిన్‌లో ఇరుక్కుపోయాడు. సమాచారం అందుకున్న పోలీసులు క్యాబిన్‌లో ఇరుక్కుపోయిన డ్రైవర్‌ను జేసీబీ సహాయంతో బయటకు తీశారు.కాగా డ్రైవర్‌కు కాలు నలిగి విరిగిందని ...
TG: నార్సింగి పోలీస్ స్టేషన్‌లో జానీ మాస్టర్ కస్టడీ విచారణ కొనసాగుతుంది. మూడో రోజు బాధితురాలు స్టేట్మెంట్‌ను జానీ మాస్టర్ ముందుంచి పోలీసులు విచారిస్తున్నారు. అయితే బాధితురాలే తనను వేధించిందని జానీ మాస్టర్ తెలిపారు. జానీ మాస్టర్‌ను కలిసేందుకు ఆయన భార్య నార్సింగి పోలీస్ స్టేషన్‌కు వెళ్లారు. రేపటితో జానీ మాస్టర్ కస్టడీ విచారణ ముగియనుండటంతో.. రేపు ఉదయం కోర్టు ముందు ఆయన్ను ...
WGL: వర్ధన్నపేటలో భార్య మీద కోపంతో ఓ భర్త విచక్షణారహితంగా కత్తి, రాడ్డుతో దాడికి పాల్పడ్డాడు. అడొచ్చిన మామ పై కూడా దాడి చేయడంతో చేతికి, తలకు గాయాలయ్యాయి. తీవ్ర గాయాలపాలైన ఆమెను వరంగల్ ఎంజీఎం ఆసుపత్రికి తరలించారు. ఆమె మెడ చుట్టూ 33 కుట్లు పడగా పరిస్థితి విషమంగా ఉన్నట్లు వైద్యులు తెలిపారు. పోలీసులు ఘటనా స్థలానికి చేరుకొని విచారణ చేపట్టారు.
KRNL: మంత్రాలయం మండలం చిలకలడోనా శివారులో రోడ్డు ప్రమాదం జరిగింది. ఎస్సై పరమేశ్ నాయక్ వివరాల మేరకు.. బెంగళూరు నుంచి మంత్రాలయానికి వస్తున్న కారును రోడ్డు పక్కన ఆపారు. ఈ క్రమంలో కర్ణాటక రాష్ట్రం చిత్రదుర్గకి చెందిన టెంపో వాహనం కారుని వెనక నుంచి ఢీకొంది. కారులో ఉన్న వికాస్ అనే వ్యక్తికి తీవ్ర గాయాలయ్యాయి. టెంపో డ్రైవర్‌పై కేసు నమోదు చేసినట్లు పోలీసులన్నారు.
TG: శ్రీ చైతన్య కాలేజీలో ఫుడ్ పాయిజన్ అవ్వడం వల్ల 100 మంది విద్యార్థినిలు అస్వస్థతకు గురయ్యారు. ఈ ఘటన హైదరాబాద్‌లోని మాధాపూర్‌లో ఉన్న శ్రీ చైతన్య కాలేజీ అక్షర కో గర్ల్స్ క్యాంపస్‌లో చోటుచేసుకుంది. దీంతో విద్యార్థినులను సమీపంలో ఉన్న ప్రైవేటు ఆసుపత్రికి తరలించారు. ఇదిలా ఉంటే యాజమాన్యం మాత్రం వైరల్ ఫీవర్ వచ్చిందని, వర్షాల వల్ల పిల్లలకు వాంతులు, విరేచనాలు అయ్యినట్లు తెలుపుతున్నారు.
VZM: వల్లంపూడి పోలీస్ స్టేషన్ పరిధిలో ఎస్సై బి.దేవి తన సిబ్బందితో శుక్రవారం ఆకస్మిక తనిఖీలు నిర్వహించారు. వావిలపాడు గ్రామంలో ఓ మహిళ వద్ద అక్రమంగా నిల్వ ఉంచిన 6 మద్యం బాటిళ్లను స్వాధీనం చేసుకుని కేసు నమోదు చేసినట్లు తెలిపారు. గ్రామాల్లో అక్రమంగా మద్యం అమ్మినా, నాటుసారా తయారు చేసినా కఠిన చర్యలు తీసుకుంటామని హెచ్చరించారు.
TG: జూనియర్ ఎన్టీఆర్, కొరటాల శివ కాంబోలో తెరకెక్కిన మూవీ ‘దేవర’ ఇవాళ థియేటర్లలో విడుదలైంది. మూవీ విడుదలైన సందర్భంగా అభిమానులు పలుచోట్ల సంబరాలు చేసుకుంటున్నారు. ఈ నేపథ్యంలో ఫ్యాన్స్ క్రాకర్స్ కాల్చగా.. అవి ఎన్టీఆర్ కటౌట్ పై పడి మొత్తం కాలిపోయింది. ఈ ఘటన ఆర్టీసీ క్రాస్ రోడ్డులోని సుదర్షన్ థియేటర్ వద్ద చోటుచేసుకుంది. అదృష్టవశాత్తు అక్కడ ఉన్న వారికి ఎవరికి గాయాలు కాలేదు.
AP: థియేటర్‌లో ‘దేవర’ చూస్తూ అభిమాని ఒకరు చనిపోయాడు. ఈ విషాద ఘటన కడపలోని అప్సర థియేటర్‌లో జరిగింది. మూవీని చూస్తూ మస్తాన్ వలీ అనే వ్యక్తి ఒక్కసారిగా కుప్పకూలిపోయాడు. వెంటనే అతన్ని దగ్గరలోని ప్రైవేట్ ఆసుపత్రికి తీసుకెళ్లగా.. అప్పటికే మృతి చెందినట్లు వైద్యులు తెలిపారు. అయితే మస్తాన్ గుండెనొప్పి రావడంతో చనిపోయినట్లు తెలుస్తోంది. మృతుడు సీకే దీన్నె మండలం జమాల్‌పల్లికి చెం...
ప్రకాశం: మద్దిపాడు మండలం గుండ్లాపల్లి హైవే వద్ద ఈరోజు ఉదయం కాకినాడ నుండి రేణిగుంట వైపు స్పిరిట్ లోడుతో వెళ్తున్న లారీ ముందు వెళ్తున్నా మరొక లారీని ఢీ కొని అదుపుతప్పి డివైడర్ పైకి దూసుకు వెళ్లింది. ఈ ఘటనలో లారీ డ్రైవర్‌కు స్వల్ప గాయాలైనట్లు సమాచారం. స్పిరిట్ లోడు కావటంతో సమాచారం తెలుసుకున్న ఫైర్ సిబ్బంది మరియు పోలీసులు సంఘటన స్టలానికి చేరుకొని దర్యాప్తు చేస్తున్నారు.
TG: ఓ ప్రైవేట్ కాలేజీకి సంబంధించిన రెండు బస్సులు ఢీకొన్న ఘటనలో డ్రైవర్ మృతి చెందాడు. ఈ ఘటనలో పలువురు విద్యార్థులు గాయపడ్డారు. ఈ ప్రమాదం మెదక్ జిల్లా నర్సాపూర్‌లో జరిగింది. ఎదురెదురుగా వస్తున్న కళాశాల బస్సులు ఆటోను తప్పించబోయి ఢీ కొన్నాయి. ఈ ప్రమాదం కారణంగా నర్సాపూర్-సంగారెడ్డి మధ్య భారీగా ట్రాఫిక్ నిలిచిపోయింది.
MNCL: నెన్నల మండలం కోనంపేట గ్రామానికి చెందిన ఐలయ్య గొర్రెల మందపై తోడేళ్లు దాడి చేయడంతో 6 గొర్రెలు మృతి చెందాయి. బాధితుడి వివరాల ప్రకారం.. గురువారం మేతకు వెళ్లిన గొర్రెలను సాయంత్రం ఊరు బయట మందలో ఉంచారు. ఈ క్రమంలో తోడేళ్లు ఒక్కసారిగా మందపై దాడి చేసి 6 గొర్రెలను పట్టుకొని లాక్కెల్లాయి.
W.G: తణుకు మండలం కోనాల గ్రామానికి చెందిన తానంకి శ్రావణి(14) మృతదేహం శుక్రవారం లభ్యమైంది. ప్రధానోపాధ్యాయుడు మందలించడంతో మనస్థాపం చెందిన శ్రావణి గురువారం ముద్దాపురం మూలలంక కాలువలో దూకి ఆత్మహత్యాయత్నానికి పాల్పడింది. శ్రావణి ఆచూకీ కోసం గాలించిన ఫైర్, ఎన్డీఆర్ ఆఫ్ సిబ్బందికి శుక్రవారం శ్రావణి మృతదేహాన్ని గుర్తించి తణుకు ప్రభుత్వ ఆసుపత్రికి తరలించారు.
ప్రకాశం: జరుగుమల్లి మండలం వాగులేటిపాడు గ్రామ సమీపంలో లారీ ఢీ కొని వ్యక్తి మృతి చెందిన ఘటన గురువారం రాత్రి చోటుచేసుకుంది. సింగరాయకొండకు చెందిన బి శ్రీనివాసులు(43) టంగుటూరు వైపు వెళ్తుండగా వెనుక నుంచి లారీ ఢీ కొంది. ఈ ప్రమాదంలో ఆయన మృతి చెందాడు. సమాచారం అందుకున్న పోలీసులు సంఘటన స్థలానికి చేరుకొని పరిశీలించి కేసు నమోదు. చేసుకుని దర్యాప్తు చేస్తున్నారు.
GDWL: గద్వాలలో సీనియర్ అసిస్టెంట్‌ అశోక్ గురువారం ఉరివేసుకున్న విషయం తెలిసిందే. అశోక్ ఇటివలే పెబ్బేరుకు బదిలీ అయ్యారు. ఆర్థిక సమస్యల వల్లే తన భర్త సూసైడ్ చేసుకొని ఉండవచ్చని భార్య ఇచ్చిన ఫిర్యాదు మేరకు కేసు నమోదు చేశామని ఎస్సై కల్యాణ్‌కుమార్ తెలిపారు. కాగా తాను షేర్ మార్కెట్‌లో రూ.50 లక్షలు పెట్టుబడి పెట్టానని, ఇందులో తన ఫ్రెండ్స్‌వి రూ.20 లక్షలు ఉన్నాయని రాసిన లేఖను పోలీసులు...
