ఉమ్మడి తెలుగు రాష్ట్రాల్లోని బాలికలు, మహిళల మిస్సింగ్ కేసుల వివరాలను కేంద్ర హోంశాఖ వెల్లడించింది. వర్షాకాల పార్లమెంట్ సమావేశాల్లో (Parliament session) ఓ సభ్యుడు అడిగిన కేంద్ర హోంశాఖ సహాయ మంత్రి అజయ్ మిశ్రా లిఖితపూర్వక ప్రశ్నకు సమాధానమిచ్చింది. రెండు తెలుగు రాష్ట్రాలలో గత మూడేళ్లలో 72,767 మంది అదృశ్యమైనట్లు పార్లమెంటుకు నివేదించింది. ఇందులో 15,994 మంది బాలికలు, 56,773 మంది మహిళలు ఉన్నట్లు తెలిపింది. జాతీయ క్రైమ్ రికార్డ్స్ బ్యూరో లెక్కల ప్రకారం తెలుగు రాష్ట్రాల్లో మహిళల మిస్సింగ్ కేసులు (Missing cases)పెరుగుతున్నట్లు తెలిపింది.
చదవండి : హైడ్రో ప్లానింగ్ ప్రమాదాల నివారణకు పోలీసులు అవగాహన
ఆంధ్రప్రదేశ్ (AP) విషయానికి వస్తే 2019 నుండి 2021 మధ్య 7,928 మంది బాలికలు, 22,278 మంది మహిళలు అదృశ్యమైనట్లు తెలిపారు. 2019లో 2,186 మంది బాలికలు, 6,252 మంది మహిళలు, 2020లో 3,374 మంది బాలికలు, 7,057 మంది మహిళలు, 2021లో 3,358 మంది బాలికలు, 8,869 మంది మహిళలు అదృశ్యమైనట్లు తెలిపింది.తెలంగాణ (Telangana) విషయానికి వస్తే అదే మూడేళ్ల కాలంలో 8,066 మంది బాలికలు, 34,495 మంది బాలికలు మిస్సింగ్ అయినట్లు తెలిపింది. 2019లో 2,849 మంది బాలికలు, 10,744 మంది మహిళలు, 2020లో 2,232 మంది బాలికలు, 10,917 మంది మహిళలు, 2021లో 2,994 మంది బాలికలు, 12,834 మంది మహిళలు అదృశ్యమైనట్లు తెలిపింది. ఉమ్మడి తెలుగు రాష్ట్రాల్లో (Telugu states)ఏటా వేలల్లో మహిళలు అదృశ్యమవుతోన్నట్లు పార్లమెంట్ తాజా గణాంకాలు స్పష్టం చేశాయి.
చదవండి : Spam calls: స్పామ్ కాల్స్‌కు చెక్ ట్రూకాలర్‌లో కొత్త ఫీచర్
