NTR 30: అఫిషీయల్.. ఎన్టీఆర్ 30లో విలన్ ఫిక్స్!

గత కొద్ది రోజులుగా ఎన్టీఆర్‌30(ntr 30)లో మెయిన్ విలన్ ఎవరనేది ఓ పట్టాన తేలడం లేదు. మధ్యలో పలువురు పేర్లు వినిపించినా.. ఫైనల్‌గా ఆదిపురుష్ విలన్‌ను ఫైనల్ చేశారు. బాలీవుడ్ హీరో సైఫ్ అలీఖాన్(saif ali khan) ప్రస్తుతం.. ప్రభాస్ నటిస్తున్న ఆదిపురుష్ సినిమాలో రావణ్‌గా నటిస్తున్నాడు. ఈ సినిమా తర్వాత  మరో తెలుగు హీరో ఎన్టీఆర్‌తో తలపడబోతున్నాడు సైఫ్ అలీఖాన్. తాజాగా ఎన్టీఆర్ 30 షూటింగ్‌లో జాయిన్ అయ్యాడు సైఫ్. ఈ సందర్భంగా.. సెట్స్‌లో యంగ్ టైగర్ ఎన్టీఆర్, డైరెక్టర్ కొరటాల శివతో సైఫ్ అలీఖాన్ ఉన్న ఫోటోలను మేకర్స్ రిలీజ్ చేశారు.

ఈ సందర్భంగా.. The National Award winning actor joined the shoot of the high voltage action drama.. అంటూ సైఫ్ అలీఖాన్‌కి వెల్ కమ్ చెప్పింది ఎన్టీఆర్ 30 టీమ్. ఇక ఈ ఫోటోల్లో ఎన్టీఆర్ నయా లుక్ అదిరిపోయింది. కాస్త స్లిమ్‌గా రఫ్ గడ్డంతో అదిరిపోయాడు తారక్. మొత్తంగా గత కొద్ది రోజులుగా వస్తున్న ఎన్టీఆర్‌ విలన్‌ వార్తలకు ఫుల్ స్టాప్ పడిపోయింది.

ప్రస్తుతం ఎన్టీఆర్ 30 షూటింగ్ శరవేగంగా జరుగుతోంది. రీసెంట్‌గా హీరోయిన్ జాన్వీ కపూర్ కూడా ఈ సినిమా షూటింగ్‌లో జాయిన్ అయిపోయింది. ఈ హై ఓల్టేజ్ యాక్షన్ ఎంటర్టైనర్‌కి సెన్సేషన్ మ్యూజిక్ డైరెక్టర్ అనిరుధ్ రవిచందర్ సంగీతం అందిస్తున్నారు. ఎన్టీఆర్ ఆర్ట్స్, యువసుధ ఆర్ట్స్ కలిసి నిర్మిస్తున్న ఈ సినిమాను.. 2024 ఏప్రిల్ 5న రిలీజ్ చేయబోతున్నారు.