మిస్ యూనివర్స్ 2023(Miss Universe 2023) ఫిలిప్పీన్స్ తరఫున పోటీల్లో పాల్గొంటున్న మిచెల్ మార్క్వెజ్ డీ(MICHELLE MARQUEZ DEE) కీలక ప్రకటన చేసింది. తాను ద్విలింగ సంపర్కురాలినని వెల్లడించింది. ఆమె లైంగికత గురించి పుకార్లు వచ్చిన నేపథ్యంలో ఈ మేరకు వెల్లడించింది. ఈ అందాల రాణి తన చిన్న వయస్సులో ఉన్నప్పుడు “బాలుడు” శైలిని కలిగి ఉన్న ఫోటోలు సోషల్ మీడియాలో రావడంతో ఈ వివాదం మొదలైంది. ఆ చిత్రాల్లో ఆమె చాలా వరకు అబ్బాయి మాదిరిగా కనిపించింది. దీంతో ఆమె గే అంటూ పుకార్లు వచ్చాయి. ఈ నేపథ్యంలో వస్తున్న పుకార్లపై ఆమె స్పందించి తాను బైసైక్సువల్ అని పేర్కొన్నారు. చాలా సంవత్సరాల క్రితమే ఈ విషయం తెలుసుకున్నానని వెల్లడించింది. ఈ నేపథ్యంలో తాను అన్ని రకాల అందాలకు, పరిమాణాలకు ఆకర్షితులవుతానని పేర్కొంది.
అయితే మే 13న ముగిసిన జాతీయ అందాల పోటీలో సమయం సరిగా లేదని ఆమె తెలిపింది. తన లైంగిక ధోరణి గురించి అప్పుడే చెబుదామని అనుకున్నట్లు 28 ఏళ్ల ఈ బ్యూటీ MICHELLE తెలిపింది. పోటీల సమయంలో అలా చేబితే అందరూ షాక్‌కి గురి అవుతారని చెప్పలేదని వెల్లడించింది. అంతేకాదు ఈ విషయం తన స్నేహితులకు కూడా తెలుసని చెప్పింది. కానీ బయట మాత్రమే తక్కువ మందికి తెలుసని అన్నారు. ఈ నేపథ్యంలో తాను ఈ కమ్యూనిటికి చెందిన వ్యక్తినని గర్వంగా చెబుతున్నట్లు మిచెల్ తెలిపింది.
ఇది కూడా చూడండి: Srikanth Odela: పెళ్లిపీటలెక్కిన ‘దసరా’ డైరెక్టర్‌
తాను LGBTQ కమ్యూనిటీలో భాగమని ఆమె తెలిపింది. తాను కూడా అనేక మంది స్నేహితులతో కలిసి ప్రైడ్ మార్చ్‌లకు హాజరయ్యానని చెప్పుకొచ్చింది. నాకు ఈ సంఘంలో చాలా మంది స్నేహితులు ఉన్నారని వెల్లడించింది. దీంతోపాటు LGBTQ కమ్యూనిటీలకు వ్యతిరేకంగా అన్యాయం, ఆర్థిక వివక్షను నిరోధించడానికి ప్రస్తుతం ఫిలిప్పీన్స్‌లో జాతీయ చట్టం లేదని చెప్పింది. ఈ ఏడాది మే 13న జరిగిన పోటీల్లో మెచెల్లీ విజేతగా నిలిచింది. ఆ క్రమంలో ఈ సంవత్సరం ఎల్ సాల్వడార్‌లో జరగనున్న 72వ మిస్ యూనివర్స్ పోటీలో తన దేశానికి ప్రాతినిధ్యం వహించడానికి సిద్ధంగా ఉంది.
ఈ పోటీ ప్రపంచంలో LGBTQ+ మహిళ మిచెల్ మాత్రమే కాదు. గత సంవత్సరం, మాజీ మిస్ అర్జెంటీనా, మాజీ మిస్ ప్యూర్టో రికో వారు కూడా గేలే కావడం విశేషం. తర్వాత వారు రహస్యంగా వివాహం చేసుకున్నట్లు ఇన్‌స్టాగ్రామ్‌లో ప్రకటించారు. మరియానా వరెలా, ఫాబియోలా వాలెంటినా థాయిలాండ్‌లో 2020 మిస్ గ్రాండ్ ఇంటర్నేషనల్ పోటీలో కలుసుకున్నారు.
ఇది కూడా చూడండి: Nenu Student Sir: ‘నేను స్టూడెంట్ సర్‌’ నుంచి రన్‌ ర్యాప్‌ సాంగ్‌ రిలీజ్
