ఐపీఎల్ 2023 చివరి ఎలిమినేటర్ మ్యాచులో ముంబై ఇండియన్స్(MI) జట్టు అదరగొట్టింది. లక్నో సూపర్ జెయింట్స్‌(LSG)పై 81 పరుగుల తేడాతో విజయం సాధించింది. ఇక మొదట బ్యాటింగ్ చేసిన ముంబై జట్టు 8 వికెట్ల నష్టానికి 182 పరుగులు చేసింది. కామెరాన్ 23 బంతుల్లో 41, సూర్యకుమార్ యాదవ్ 20 బంతుల్లో 33, తిలక్ వర్మ 26, నేహాల్ వధేరా (12 బంతుల్లో 23) స్కోర్లు చేశారు.
ఈ నేపథ్యంలో183 పరుగుల లక్ష్యంతో బరిలోకి దిగిన లక్నో ఆటగాళ్లు 101 పరుగులకే ఆలౌట్ అయ్యారు. ముంబై బౌలర్ల దాటికి వరుసగా కుప్పకూలారు. ఈ మ్యాచులో ముంబై బౌలర్ 5 వికెట్లు తీసి ఆకాష్ మధ్వల్ అద్భుతమైన బౌలింగ్ చేశాడు. లక్నో జట్టు గత సీజన్‌లో కూడా ఇదే విధమైన ఫలితం తర్వాత ఎలిమినేటర్‌లో ఓడిపోవడం ఇది వరుసగా రెండో సంవత్సరం కావడం విశేషం.
ఈ క్రమంలో MI శుక్రవారం(మే 26న) నరేంద్ర మోడీ స్టేడియంలో జరిగే క్వాలిఫైయర్ 2లో GTతో తలపడుతుంది. ఆ తర్వాత ఆదివారం జరిగే ఫైవల్ పోరుకు ముంబై వెళ్తుందా లేదా గుజరాత్ వెళ్తుందా మీ అభిప్రాయం కామెంట్ రూపంలో తెలియజేయండి.
ఇది కూడా చూడండి: BCCI Dot Ballకు 500 మొక్కలు.. ఐపీఎల్ తో సరికొత్త ఆలోచనకు శ్రీకారం
