ఈ మధ్యకాలంలో సౌర తుఫాన్లు(Solar Storms) ఎక్కువ అలజడిని సృష్టిస్తున్నాయి. సూర్యుడి ఎండ తీవ్రతకు భూమి మండిపోతోంది. ఇలానే ఉంటే 2025లో సూర్యుడి భ‌గ‌భ‌గ‌లు మరింత తీవ్రం కానున్నట్లు వాషింగ్ట‌న్ పోస్టు ఓ వార్తను ప్రచురించగా అది కాస్తా వైరల్ అవుతోంది. అప్పటి సూర్యుడి వేడిని డిజిటల్ సమాజం తట్టుకోలేందని ఆ కథనం తెలిపింది. ఆ కథనం చదివాక.. ఇంటర్నెట్ యుగాంతం అయ్యే అవ‌కాశాలు ఎక్కువగా కనిపిస్తున్నాయని నెట్టింట యూజర్లు చేస్తున్న ట్రోల్స్ వైరల్ అవుతున్నాయి.
చదవండి: PM Modi: నేటి నుంచి ఫ్రాన్స్ లో మోడీ రెండు రోజుల పర్యటన
తాజాగా సోష‌ల్ మీడియా యూజర్లు సూర్యుని తాపంపై ట్రోల్ చేస్తున్నారు. అయితే 2025లో వ‌చ్చే సౌర తుఫాన్ల వల్ల ఇంట‌ర్నెట్‌కు స‌మ‌స్య వాటిల్లే అవ‌కాశాల గురించి నాసా ఏ ప్రకటన చేయలేదు. సౌర తుఫాన్లు తీవ్రంగా ఉంటే ఎలా ఉంటుంద‌న్న ప‌రిస్థితిని ఇప్ప‌టి వ‌ర‌కు ఎదుర్కోలేద‌ని నాసా తెలిపింది. ప్రస్తుతం ఉన్న మౌళిక స‌దుపాయాలు ఏమవుతాయో చెప్ప‌లేమ‌ని, ఆ ప్ర‌భావాన్ని అంచ‌నా చేయ‌లేమ‌ని కాలిఫోర్నియా వ‌ర్సిటీ కంప్యూట‌ర్ ప్రొఫెస‌ర్ సంగీత అబూ జ్యోతి వివరాలు వెల్లడించారు.
చదవండి: Boris Johnson: లేటు వయసులో ప్రధానికి 8వ సంతానం!
సోలార్ సూప‌ర్‌స్టార్మ్స్‌.. ప్లానింగ్ ఫ‌ర్ ఆన్ ఇంటర్నెట్ అపోక‌లిప్స్ అన్న టైటిల్‌తో జ్యోతి ఓ రిపోర్టు అందించారు. తీవ్ర సౌర తుఫాన్ల వల్ల స‌ముద్ర‌గ‌ర్భంలో ఉన్న క‌మ్యూనికేష‌న్ కేబుల్స్ కూడా దెబ్బ‌తిన‌నున్న‌ట్లు వెల్లడించారు. కొన్ని నెల‌ల పాటు సూర్యుడు త‌న ప్ర‌తాపాన్ని చూపే అవ‌కాశాలు ఉన్నాయ‌ని, ప్ర‌తి రోజు క‌నీసం 11 బిలియ‌న్ల డాల‌ర్ల న‌ష్టం వాటిల్లే అవకాశం ఉందని తెలిపారు. ఈ ప్రకటన ప్రస్తుతం పరిశోధకుల్లో అలజడిని సృష్టిస్తోంది.
