చివరగా వాల్తేరు వీరయ్యతో బాక్సాఫీస్ దగ్గర దుముదులిపేశారు మెగాస్టార్ చిరంజీవి(chiranjeevi). రూ.200 కోట్లకు పైగా వసూళ్లను రాబట్టి.. మెగాస్టార్ కెరీర్లో బిగ్గెస్ట్ హిట్‌గా నిలిచింది వాల్తేరు వీరయ్య. ఈ సినిమా నుంచే చిరు లీక్స్ మొదలు పెట్టారు మెగాస్టార్. ఇక ఇప్పుడు భోళా శంకర్(bhola shankar) విషయంలోను దాన్ని కంటిన్యూ చేస్తున్నారు. వాల్తేరు వీరయ్య తర్వాత తమిళ్ మూవీ వేదాళం రీమేక్‌గా మెహర్ రమేష్ దర్శకత్వంలో ‘భోళా శంకర్’ అనే సినిమా చేస్తున్నారు మెగాస్టార్. ఈ సినిమాలో హీరోయిన్‌గా తమన్నా నటిస్తుండగా.. చిరు చెల్లెలిగా కీర్తి సురేష్, ఆమెకి జోడిగా సుశాంత్ నటిస్తున్నాడు. ఆగస్ట్ 11న ఈ సినిమాను రిలీజ్ చేసేందుకు సన్నాహాలు చేస్తున్నారు. ఇప్పటికే ప్రమోషన్స్ స్టార్ట్ చేసేశారు మేకర్స్. భోళా శంకర్ నుంచి బ్యాక్ టు బ్యాక్ అప్డేట్స్ ఇస్తున్నారు. ఇటీవల రిలీజ్ చేసిన సాంగ్స్‌కు మంచి రెస్పాన్స్ వస్తోంది.
ఇది కూడా చూడండి: Salaar: సలార్ నిర్మాతల నిర్ణయం.. భయంలో డిస్ట్రిబ్యూటర్లు..!
తాజాగా చిరు లీక్స్(chiru leaks) అంటూ.. మెగా అప్డేట్ ఇచ్చారు మెగాస్టార్ చిరంజీవి. అయితే ఈసారి చిరంజీవి చేసిన లీక్స్‌కు మెగా ఫ్యాన్స్ ఫుల్ ఖుషి అవుతున్నారు. ముఖ్యంగా పవన్ ఫ్యాన్స్ పండగ చేసుకుంటున్నారు. ఎప్పటిలాగే చిరు లీక్స్ చేస్తున్నాను. భోళా శంకర్ సినిమా నుంచి మీకోసం ఒక అప్డేట్ తెచ్చాను. మెహర్ రమేష్ గొడవ చేసేస్తాడు. అయినా పర్లేదు. తమ్ముడు పవన్ కళ్యాణ్ తన సినిమాల్లో నన్ను ఇమిటేట్ చేశాడు. కానీ ఇప్పుడు నేను మీ కోసం తమ్ముడి డైలాగ్స్, మేనరిజమ్స్ ఈ సినిమాలో ఇమిటేట్ చేయబోతున్నాను. ఇది మిమ్మల్ని, అభిమానులని ఎంటర్టైన్ చేస్తుందని అన్నారు. ఈ లీక్ లో కనిపించేది కొంచెమేనని, సినిమాలో మరింత చూడొచ్చని వీడియో రిలీజ్ చేశారు. ప్రస్తుతం ఈ వీడియో వైరల్‌గా మారింది. ఎందుకంటే.. ఇప్పటి వరకు మెగాస్టార్‌ని పవన్ కళ్యాణ్ మాత్రమే ఇమిటేట్ చేశాడు.. కానీ ఇప్పుడు సీన్ రివర్స్ అయిపోయింది. అందుకే పవన్ ఫ్యాన్స్ ఫుల్ ఖుషీ అవుతున్నారు.
