టీడీపీ అధినేత చంద్రబాబు కేసు వాదిస్తున్న సుప్రీంకోర్టు సీనియర్ న్యాయవాది సిద్ధార్థ లూథ్రాపై కేసు నమోదైంది. ఆయనపై వైసీపీ నేత, మాజీ ఎమ్మెల్యే రౌతు సూర్యప్రకాశరావు రాజమండ్రి ప్రకాశ్ నగర్ పోలీస్ స్టేషన్ లో ఫిర్యాదు చేయడంతో ఈ విషయం చర్చనీయాంశమైంది. ఇటీవల సిద్ధార్థ లూథ్రా సోషల్ మీడియాలో ఓ పోస్టు పెట్టారు. స్కిల్ కేసులో రెండ్రోజుల పాటు తీవ్రంగా వాదించినప్పటికీ చంద్రబాబుకు అనుకూలంగా ఫలితం తీసుకురాలేకపోయిన లూథ్రా ట్విట్టర్ వేదికగా ఓ పోస్ట్ చేశారు.
చదవండి: TTD Brahmotsavam: సెప్టెంబర్ 18 నుంచి శ్రీవారి సాలకట్ల బ్రహ్మోత్సవాలు..వాహన సేవల తేదీలివే
న్యాయం కనుచూపు మేరలో కనిపించకపోతే ఇక కత్తి దూసి పోరాడడమే మార్గం అని ఆయన ట్విట్టర్ వేదికగా స్పందించారు. దీంతో ఆ వ్యాఖ్యలు రెచ్చగొట్టే విధంగా ఉన్నాయని రౌతు సూర్యప్రకాశరావు తన ఫిర్యాదులో తెలిపారు. న్యాయాన్ని కాపాడాల్సిన న్యాయవాదులే రెచ్చగొట్టే వ్యాఖ్యలు చేయడం సరికాదన్నారు. సిద్థార్థ లూథ్రా తన పోస్టును ఉపసంహరించుకుని క్షమాపణలు చెప్పాలన్నారు.
