అసోం(assam) జోర్హాట్(Jorhat) నగరంలోని ప్రముఖ వాణిజ్య కేంద్రమైన చౌక్ బజార్‌(chowk bazar)లో గురువారం రాత్రి 9:30 గంటల సమయంలో భారీ అగ్నిప్రమాదం(fire accident) సంభవించింది. దీంతో పెద్ద ఎత్తున మంటలు చెలరేగి చౌక్ బజార్‌లోని 500కుపైగా ఉన్న షాపులకు విస్తరించాయి. మార్కెట్ ప్రవేశ ద్వారం సమీపంలోని వస్త్ర దుకాణంలో ప్రారంభమైన మంటలు ఒకదాని తర్వాత ఒక వ్యాపార సముదాయానికి వ్యాపించాయి. ఆ క్రమంలో మార్కెట్‌లో భారీగా మంటలు చెలరేగి చాలా వరకు దుకాణాలు(shops) దగ్ధమయ్యాయి.
#WATCH | Assam: Fire breaks out at Jorhat's Chowk Bazaar. Several fire tenders have reached the spot. The fire started at a cloth shop near the main gate of the market. Further details awaited. pic.twitter.com/5nG48kDiVq
— ANI (@ANI) February 16, 2023
వెంటనే సమాచారం తెలుసుకున్న అగ్నిమాపక సిబ్బంది జోర్హాట్(Jorhat) జిల్లాతోపాటు చుట్టుపక్కల జిల్లాల నుంచి కూడా అగ్నిమాపక దళ వాహనాలు వచ్చి గంటల తరబడి శ్రమించి మంటలను ఆర్పివేశాయి. అయితే ఢిల్లీలోని చాందినీ చౌక్‌తో సమానమైన జోర్హాట్ నగరం మధ్యలో ఉన్న ఈ బజార్‌ తమ ఏకైక ఆదాయ వనరు అని వ్యాపారస్తులు చెబుతున్నారు. అలాంటి సమయంలో తమ దుకాణాలు(shops) దగ్ధమవడంతో బాధిత వ్యాపారస్తులు దుఃఖంతో విలపిస్తున్నారు. తమను ప్రభుత్వం ఆదుకోవాలని కోరుతున్నారు. అయితే విద్యుత్‌ షార్ట్‌ సర్క్యూట్‌ కారణంగానే మంటలు చెలరేగినట్లు సంబంధిత వర్గాలు భావిస్తున్నాయి. ఈ నేపథ్యంలో అగ్ని ప్రమాదంలో కోట్లాది రూపాయల విలువైన ఆస్తులు దగ్ధమయ్యాయని అధికారులు అంటున్నారు.
మరోవైపు చౌక్‌బజార్‌(chowk bazar)లో వ్యాపారాలు కాలిపోయిన క్రమంలో పెద్ద ఎత్తున బాణసంచా పేల్చిన శబ్ధాలు(sounds) వినిపించాయని పలువురు అంటున్నారు. అలాంటి శబ్దాలు రావడానికి కారణమేమిటి? ఎవరైనా అక్కడ బాణసంచా నిల్వ చేశారా? లేదా ఎవరైనా వ్యాపారాలు కాల్చివేయాలని ప్రణాళిక వేశారా అనే కోణంలో అధికారులు దర్యాప్తు చేస్తున్నారు. చాలా నెలల తర్వాత జోర్హాట్‌లో జరిగిన రెండో పెద్ద అగ్నిప్రమాదం ఘటన ఇది అని స్థానికులు అంటున్నారు. గతేడాది డిసెంబర్‌లో ఇక్కడ జోర్హాట్‌లోని మార్వాడీ పట్టీ ప్రాంతంలో భారీ అగ్నిప్రమాదం సంభవించింది.
చదవండి: RK Roja: సిగ్గుండాలంటూ రోజాపై, ఆంబోతు అంటూ అంబటిపై ఫైర్
