ఢిల్లీలోని అరుణ్ జైట్లీ స్టేడియం వేదికగా ఢిల్లీ క్యాపిటల్స్(delhi capitals) తో నిన్న జరిగిన ఉత్కంఠ పోరులో సన్ రైజర్స్ హైదరాబాద్(sunrisers hyderabad).. 9 పరుగుల తేడాతో విజయం సాధించింది. హైదరాబాద్ నిర్దేశించిన 198 పరుగుల లక్ష్య ఛేదనలో ఢిల్లీ.. నిర్ణీత 20 ఓవర్లలో 6 వికెట్లు కోల్పోయి 188 పరుగులు మాత్రమే చేయగలిగింది. ఓపెనర్ ఫిలిప్ సాల్ట్ (35 బంతుల్లో 59, 9 ఫోర్లు), మిచెల్ మార్ష్ (39 బంతుల్లో 63, 1 ఫోర్, 6 సిక్సర్లు)లు భయపెట్టినా చివరికి ఆరెంజ్ ఆర్మీదే విజయం. ఐదు ఓటముల తర్వాత వరుసగా రెండు మ్యాచ్ లు గెలిచి హ్యాట్రిక్ కొట్టాలనుకున్న ఢిల్లీకి నిరాశ తప్పలేదు. ఈ విజయంతో సన్ రైజర్స్ పాయింట్ల పట్టికలో ముంబైని వెనక్కినెట్టి 8వ స్థానానికి ఎగబాకింది.
ఇది కూడా చూడండి: Fraud ముఖ్యమంత్రినే మోసం చేసిన ఘనుడు.. ఫొటోలకు ఫోజులన్నీ అబద్ధాలే
మొదట బ్యాటింగ్ చేసిన సన్ రైజర్స్ 198 పరుగులు(runs) చేసింది. అభిషేక్ శర్మ (67: 36 బంతుల్లో 12×4, 1×6), హెన్రిచ్ క్లాసెన్ (53: 27 బంతుల్లో 2×4, 4×6) అర్ధశతకాలు బాదేశారు. దాంతో మొదట బ్యాటింగ్ చేసిన సన్‌రైజర్స్ 6 వికెట్ల నష్టానికి 197 పరుగులు చేసింది. ఓపెనర్ మయాంక్ అగర్వాల్ (5), రాహుల్ త్రిపాఠి (10), కెప్టెన్ మర్‌క్రమ్ (8), హారీ బ్రూక్ (0) నిరాశపరిచినా.. స్లాగ్ ఓవర్లలో అబ్దుల్ సమద్ (28: 21 బంతుల్లో 1×4, 2×6), అకేల హుస్సేన్ (16 నాటౌట్: 10 బంతుల్లో 1×4, 1×6) ఫర్వాలేదనిపించారు. ఢిల్లీ క్యాపిటల్స్ బౌలర్లలో మార్ష్ 4 వికెట్లు పడగొట్టగా.. ఇషాంత్, అక్షర్ పటేల్ చెరో వికెట్ తీశారు.
198 పరుగుల ఛేదనలో ఢిల్లీ(delhi capitals)కి ఫస్ట్‌లోనే గట్టి ఎదురుదెబ్బ తగిలింది. కెప్టెన్ డేవిడ్ వార్నర్ (0) డకౌట్‌గా వెనుదిరిగాడు. అయితే మరో ఓపెనర్ ఫిలిప్ సాల్ట్ (59: 35 బంతుల్లో 9×4)తో కలిసి మిచెల్ మార్ష్ (63: 39 బంతుల్లో 1×4, 6×6) సిక్సర్ల వర్షం కురిపించేశాడు. ఈ ఇద్దరూ రెండో వికెట్‌కి 112 పరుగుల భాగస్వామ్యం నెలకొల్పడంతో ఢిల్లీ అలవోకగా గెలిచేలా కనిపించింది.
కానీ.. మిడిల్ ఓవర్లలో పుంజుకున్న హైదరాబాద్(hyderabad) బౌలర్లు ఈ ఇద్దరినీ ఔట్ చేయడంతో పాటు మనీశ్ పాండే (1), ప్రియమ్ గార్గె (12), సర్ఫరాజ్ ఖాన్ (9)ని కూడా తక్కువ స్కోరుకే పెవిలియన్ బాట పట్టించారు. దాంతో చివర్లో బంతులు, పరుగుల మధ్య అంతరం పెరిగిపోగా అక్షర్ పటేల్ (29 నాటౌట్: 14 బంతుల్లో 1×4, 2×6) హిట్టింగ్ చేసినా ప్రయోజనం లేకపోయింది. అతనితో పాటు క్రీజులో ఉన్న రిపల్ పటేల్ (11 నాటౌట్: 8 బంతుల్లో 1×4) చివర్లో బంతుల్ని వేస్ట్ చేసేశాడు. దాంతో ఢిల్లీకి ఓటమి తప్పలేదు.
ఇది కూడా చూడండి: Wrestlers Protest నరేంద్ర మోదీ వల్ల కాదు: ప్రియాంకా గాంధీ
