హర్యానా(haryana)లోని అంబాలా యమునా నగర్-పంచకుల(Yamuna Nagar -Panchkula) హైవేపై పెద్ద రోడ్డు ప్రమాదం(road accident) చోటుచేసుకుంది. లోడుతో వేగంగా వెళ్తున్న ట్రైలర్ ట్రక్కు(truck) బస్సు(bus)ను వెనుక నుంచి బలంగా ఢీకొట్టింది. దీంతో ఈ ఘటనలో ఏడుగురు మరణించగా, మరో నలుగురు గాయపడినట్లు పోలీసులు(police) శనివారం పేర్కొన్నారు. మరోవైపు గాయపడిన వారిని ఆస్పత్రికి తరలించినట్లు తెలిపారు. షాజాద్‌పూర్ పోలీస్ స్టేషన్ పరిధిలో ఈ దుర్ఘటన జరిగింది. ఈ ప్రమాదం దాటికి బస్సు దాదాపు నుజ్జునుజ్జుగా మారింది. బస్సులోని సీట్లు మొత్తం రోడ్డుపైకి దూసుకెళ్లాయి.
చదవండి: Indonesia:లో భారీ అగ్ని ప్రమాదం..17 మంది మృతి, 52 మందికి గాయాలు
లోడుతో వెళుతున్న ట్రైలర్ ట్రక్కు(truck) బస్సు(bus)ను వెనుక నుండి బలంగా ఢీకొట్టడంతో పెద్ద ఎత్తున ప్రాణనష్టం జరిగినట్లు అధికారులు(officers) వెల్లడించారు. మరోవైపు ట్రక్కు డ్రైవర్(driver) నిద్రమత్తులో డ్రైవింగ్ చేసిన కారణంగా ఈ ఘటన సంభవించినట్లు ప్రాథమికంగా అంచానా వేశారు. అయితే ఈ ఘటనలో రెండు వాహనాల డ్రైవర్లు మాత్రం ప్రమాదం నుంచి బయటపడ్డారు. ప్రమాదంపై విచారణ జరుగుతోందని పోలీస్(police) అధికారులు వెల్లడించారు. బాధ్యులపై చర్యలు తీసుకుంటామన్నారు.
చదవండి: Indonesia:లో భారీ అగ్ని ప్రమాదం..17 మంది మృతి, 52 మందికి గాయాలు
