Five people from Amalapuram died in an American road accident
Road accident in Ambala : తీర్థయాత్రకని ఒకే కుటుంబానికి చెందిన 30 మంది మినీ బస్సులో బయలుదేరారు. మార్గ మధ్యంలో ఆ బస్సు ఓ ట్రక్కును వేగంగా ఢీకొట్టింది. దీంతో ఏడుగురు ప్రాణాలు విడిచారు. మరో 20 మందికి గాయాలు అయ్యాయి. ఈ ఘటన హరియాణాలోని అంబాలాలో జరిగింది. అంబాలా, దిల్లీ, జమ్ము జాతీయ రహదారిపై ఈ ఘోర రోడ్డు ప్రమాదం(Road accident) చోటు చేసుకుంది. సమాచారం అందుకున్న పోలీసులు వెంటనే సంఘటనా స్థలానికి చేరుకున్నారు. గాయపడిన వారిని దగ్గరలోని కంటోన్మెంట్‌ ఆసుపత్రికి తరలించారు.
చదవండి : ప్రభాస్‌ ‘బుజ్జి’ కార్‌ కోసం ఎంత ఖర్చు పెట్టారో తెలుసా?
పోలీసులు తెలిపిన వివరాల ప్రకారం.. బాధితులంతా ఒకే కుటుంబానికి చెందిన వారు వీరు మాతా వైష్ణో దేవి పుణ్య క్షేత్రాన్ని దర్శించడానికి వెళుతున్నారు. ఈ క్రమంలో 30 మందితో ప్రయాణిస్తున్న బస్సు(bus) ఇలా మార్గ మధ్యంలో ప్రమాదానికి గురైంది. మృతి చెందిన వారిలో చిన్నారులు సైతం ఉన్నారు. గాయపడిన వారిలో కొందరి పరిస్థితి విషమంగా ఉందని పోలీసులు తెలిపారు.
చదవండి : అమెరికా చారిత్రాత్మక విజయం.. బంగ్లాకు షాకిచ్చి టీ20 సిరీస్‌ వశం!
ట్రక్కు డ్రైవర్‌ పరారీలో ఉన్నాడని అతడి కోసం గాలిస్తున్నామని పోలీసులు వెల్లడించారు. ట్రక్కు డ్రైవర్‌ అకస్మాత్తుగా బ్రేకులు వేయడంతోనే వేగంగా వస్తున్న మినీ బస్సు దాన్ని గుద్దుకుందని తెలిపారు. ఈ యాక్సిడెంట్‌లో మినీ బస్సు ముందు భాగం అంతా నుజ్జు నుజ్జు అయ్యిందని అన్నారు.
