పశ్చిమ కెన్యాలోని(Kenya) లోండియాని(Londiani) ప్రాంతంలో ఘోర రోడ్డు ప్రమాదం చోటుచేసుకుంది. రిఫ్ట్‌ వ్యాలీలోని కెరిచో-నకురు (Nakuru -Kisumu highway) మధ్య హైవేపై బస్‌స్టాప్‌లో ప్రయాణికులు వేచి ఉండగా దారుణం జరిగింది. ఓ లారీ (Lorry) బస్టాప్‌లో వేచి ఉన్న ప్రయాణికులపైకి దూసుకెళ్లింది. దీంతో 48 మంది అక్కడికక్కడే దుర్మరణం చెందారు. ఈ ఘటనలో మరో 30 మందికి తీవ్రంగా గాయాలు అయ్యాయి. స్థానికుల సమాచారం మేరకు..పోలీసులు, సంబంధిత విభాగాల అధికారులు సహాయకచర్యలు చేపట్టారు. గాయపడిన వారిని ఆస్పత్రికి తరలించి చికిత్స అందిస్తున్నారు.
ప్రమాదానికి సంబంధించిన వీడియో:
https://twitter.com/i/status/1674919492772675585
ధ్వంసమైన లారీ శకలాల కింద మరికొంత మంది చిక్కుకొని ఉన్నట్లు పోలీసులు గుర్తించారు. వర్షం కురుస్తుండటంతో సహాయక చర్యల్లో కొంత అంతరాయం కగిలిందని పోలీసులు తెలిపారు. ఈ ప్రమాద ఘటనపై కెన్యా అధ్యక్షుడు విలియం రూటో (William Samoei Ruto) స్పందించారు. ఘటనపై తీవ్ర దిగ్భ్రాంతిని వ్యక్తంచేశారు. మృతుల కుటుంబాలకు తన ప్రగాఢ సానుభూతిని తెలియజేశారు. ప్రమాదానికి గల కారణాలను గుర్తించేందుకు దర్యాప్తు చేస్తున్నట్లు ఆ దేశ రవాణా శాఖ మంత్రి కిప్‌చుంబా ట్విట్టర్‌ ద్వారా వెల్లడించారు.
