Vizag International Cruise Terminal inaugurated by Union Minister sarbananda sonowal
ఏపీలోని విశాఖపట్నంలో అంతర్జాతీయ స్థాయి క్రూయిజ్ టెర్మినల్‌ను కేంద్ర ఓడరేవులు, షిప్పింగ్, జలమార్గాల శాఖ మంత్రి సర్బానంద సోనోవాల్(Union Minister sarbananda sonowal) సోమవారం ప్రారంభించారు. విశాఖపట్నం పోర్ట్ అథారిటీ (VPA) ఆధ్వర్యంలో 333 కోట్ల రూపాయల విలువైన ట్రంక్ పార్కింగ్ టెర్మినల్ అభివృద్ధి, బెర్త్‌లు ORI, OR II సామర్థ్యాల పెంపుదల కోసం స్టోరేజీ షెడ్-2 నిర్మాణానికి కూడా పునాది వేశారు. ఏ సమయంలోనైనా 2,000 మంది ప్రయాణీకులను హ్యాండిల్ చేయగల క్రూయిజ్ టెర్మినల్ మొత్తం ఈస్ట్ కోస్ట్‌కు హబ్‌గా అభివృద్ధి చెందుతుందని ఆయన ఈ సందర్భంగా చెప్పారు.
2030 నాటికి తొమ్మిది లక్షల మంది జాతీయ, అంతర్జాతీయ ప్రయాణీకులను హ్యాండిల్ చేయగల సామర్థ్యాన్ని సృష్టించడమే తమ లక్ష్యమని పేర్కొన్నారు. అంతర్జాతీయ ప్రమాణాలతో కూడిన టెర్మినల్‌ను ప్రారంభించడం వల్ల విశాఖపట్నం ఇండియాలో ప్రముఖ పర్యాటక(tourist) కేంద్రంగా నిలుస్తుందని సోనోవాల్ చెప్పారు. విశాఖపట్నం ఓడరేవు సముద్ర ఆధారిత పర్యాటకాన్ని నిర్వహించడానికి అవసరమైన అన్ని మౌలిక సదుపాయాలు, పర్యావరణ వ్యవస్థను కలిగి ఉందని ఆయన గుర్తు చేశారు.
#VIZAG PORT INTERNATIONAL CRUISE TERMINAL AT GREEN CHANNEL BERTH#VIZAG THE EXECUTIVE CAPITAL#VIZAG THE CITY OF DESTINY… pic.twitter.com/pXGOwCfWKG
— Allu Noval kumar (@Novalkumar) September 5, 2023
దుమ్ము అణచివేసే స్ప్రింక్లర్ మెకానిజంతో కూడిన కవర్ స్టోరేజ్ షెడ్, 84,000 టన్నుల బల్క్, బ్యాగ్డ్ కార్గోను కూడా నిర్వహించబడుతుందన్నారు. ట్రక్ పార్కింగ్ టెర్మినల్ 666 ట్రక్కులు, ట్రక్కు డ్రైవర్లు విశ్రాంతి తీసుకోవడానికి వసతి గృహాన్ని కలిగి ఉంటుంది. వైజాగ్ పోర్ట్‌లో జరుగుతున్న పనులను కూడా సమీక్షించిన మంత్రి, ప్రధాని నరేంద్ర మోడీ నాయకత్వంలో గడిచిన తొమ్మిదేళ్లలో సముద్ర రంగం అద్భుతమైన పురోగతిని సాధించిందని అన్నారు. ‘సాగర్ మాల’ కింద రూ.5.6 లక్షల కోట్లతో 802 పోర్టుల అభివృద్ధికి శ్రీకారం చుట్టినట్లు చెప్పారు. ఒక్క ఆంధ్రప్రదేశ్‌(andhra pradesh)లోనే కేంద్ర ప్రభుత్వం 1.23 లక్షల కోట్ల రూపాయలతో 113 సముద్ర ప్రాజెక్టుల అభివృద్ధిని చేపట్టిందని ప్రస్తావించారు.
ఇది కూడా చూడండి: Alert: సెప్టెంబర్ 11 వరకు పలు రైళ్లు బంద్
