some trains are closed upto September 11th 2023 vijayawada division
ఆంధ్రప్రదేశ్‌(andhra pradesh)లో పలు రైళ్ల(trains) రద్దుపై దక్షిణ మధ్య రైల్వే ప్రయాణికులకు హెచ్చరికలు జారీ చేసింది. విజయవాడ సెక్షన్‌లో సేఫ్టీ నిర్మాణ పనుల కారణంగా కొన్ని రైళ్లను పూర్తిగా రద్దు చేయగా, మరికొన్ని పాక్షికంగా రద్దు చేయబడ్డాయి. ఈ రద్దులు సెప్టెంబర్ 3 నుంచి ఈ నెల 10వ తేదీ వరకు అమల్లో ఉంటాయని ప్రకటించారు. దక్షిణ మధ్య రైల్వే ప్రకారం విశాఖ-లింగంపల్లి రూట్లలో 9వ తేదీ వరకు మరికొన్ని రైళ్లను రద్దు చేశారు. లింగంపల్లి-విశాఖపట్నం రైలు ఈ నెల 4 నుంచి 10వ తేదీ వరకు రద్దు చేయబడింది. ఈ నెల 3వ తేదీ నుంచి 9వ తేదీ వరకు గుంటూరు నుంచి రాయగడ వెళ్లే రైలును రద్దు చేశారు. ఈ నెల 4 నుంచి 10వ తేదీ వరకు రాయగడ నుంచి గుంటూరు వెళ్లే రైలు 17244 బంద్ చేశారు.
ఇక విజయవాడ-విశాఖపట్నం రైలు అనకాపల్లి వరకు మాత్రమే నడుస్తుందని, విశాఖపట్నం-విజయవాడ రైలు ఈ నెల 3వ తేదీ నుంచి 10వ తేదీ వరకు అనకాపల్లి నుంచి బయలుదేరుతుంది. తిరుపతి-విశాఖపట్నం రైలు ఈ నెల 6వ తేదీ నుంచి 8వ తేదీ వరకు సామర్లకోట వరకు మాత్రమే వెళ్తుందని, విశాఖపట్నం-తిరుపతి రైలు ఈ నెల 7వ తేదీ నుంచి 9వ తేదీ వరకు సామర్లకోట నుంచి బయలుదేరుతుందని తెలిపారు. అలాగే ఈ నెల 4 నుంచి 9వ తేదీ వరకు మచిలీపట్నం-విశాఖపట్నం రైలు, సెప్టెంబర్ 5 నుంచి 10వ తేదీ వరకు విశాఖ-మచిలీపట్నం రైలును రద్దు చేస్తున్నట్లు రైల్వే అధికారులు ప్రకటించారు. దీంతోపాటు విశాఖపట్నం-గుంటూరు రైలును ఈనెల 6 నుంచి 11 వరకు, విశాఖపట్నం-విజయవాడ, విజయవాడ-విశాఖపట్నం ఉదయ్ ఎక్స్ ప్రెస్ రైళ్లను 5,6,8,9 తేదీల్లో రద్దు(cancel) చేస్తున్నట్లు ప్రకటించారు.
ఇది కూడా చూడండి: ACB APP: ఎవరైనా లంచం అడిగితే 14400కు ఫోన్ కొట్టు.. గిఫ్ట్ పట్టు
