రెండు తెలుగు రాష్ట్రాల్లో మూడ్రోజుల పాటు వర్షాలు కురిసే అవకాశం ఉందని వాతావరణ శాఖ (Department of Meteorology) పెర్కోన్నాది. తెలంగాణ(Telangana)లో నేడు మోస్తరు వర్షాలు కురుస్తాయని.. ముఖ్యంగా హైదరాబాద్, మల్కాజ్ గిరి, నల్గొండ, సూర్యాపేట, గద్వాల, వికారాబాద్ లో తేలికపాటి నుంచి మోస్తరు వర్షాలు కురవనున్నట్లు పేర్కొంది.ఆకాశం పాక్షికంగా మేఘావృతంగా ఉంటుంది. సాయంత్రం లేదా రాత్రి సమయంలో తేలికపాటి నుంచి ఓ మోస్తరు వర్షం లేదా చినుకులు పడే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 33 డిగ్రీలు, 24 డిగ్రీలుగా ఉండే అవకాశం ఉంది. ఉపరితల గాలులు పశ్చిమ దిశ నుంచి గాలి వేగం గంటకు 8 నుంచి 10 కిలో మీటర్ల వేగంతో వీచే అవకాశం ఉంది’’ అని వెదర్ బులెటిన్ (Weather Bulletin) లో తెలిపింది.
చదవండి : Manipur లో ఆగని చిచ్చు… దుండగుల దాడిలో ముగ్గరి మృతి
నిన్న గరిష్ఠ ఉష్ణోగ్రత (temperature) 34.4 డిగ్రీలు, కనిష్ఠ ఉష్ణోగ్రత 24.6 డిగ్రీలుగా నమోదైంది. గాలిలో తేమ 65 శాతంగా నమోదైంది.నేడు (జులై 3) నెల్లూరు, అన్నమయ్య, కడప, బాపట్ల, అల్లూరి, గుంటూరు, కృష్ణా, పల్నాడు, తిరుపతి జిల్లా(Tirupati District)ల్లో వర్షాలు కురుస్తాయని… రేపు (జులై 4) పల్నాడు, అల్లూరి, మన్యం, ఎన్టీఆర్, ఏలూరు, గుంటూరు, పశ్చిమ గోదావరి, కృష్ణా, నంద్యాల, నెల్లూరు, కడప జిల్లాల్లో వర్షాలు కురుస్తాయని వివరించారు. జులై 5న అనంతపురం, కర్నూలు, అనకాపల్లి, మన్యం, నంద్యాల, శ్రీ సత్యసాయి, అల్లూరి, కాకినాడ, పల్నాడు, విజయనగరం, ఎన్టీఆర్, ప్రకాశం, బాపట్ల జిల్లాల్లో వర్షాలు పడే అవకాశాలున్నాయని వెల్లడించారు. అక్కడక్కడ పిడుగులు (thunderbolts) పడే అవకాశం ఉన్నందున పొలాల్లో పనిచేసే కూలీలు, రైతులు, పశువుల కాపరులు జాగ్రత్తగా ఉండాలని సూచించారు.
చదవండి : యానం గోదావరిలో వలకు చిక్కిన భారీ పండుగప్ప..వీడియో ఇదిగో!
