ప్రకాశం జిల్లా కందుకూరులో ఇటీవల చంద్రబాబు నిర్వహించిన రోడ్ షో లో… తొక్కిసలాట జరిగిన సంగతి తెలిసిందే. ఈ తొక్కిసలాటలో దాదాపు 8మంది ప్రాణాలు కోల్పోయారు. కాగా… ఈ ఘటనకు బాధ్యుడిని చేస్తూ… టీడీపీ కందుకూరు ఇంఛార్జ్ ఇంటూరి నాగేశ్వరరావును పోలీసులు అరెస్టు చేశారు.
రెండు కార్లలో వచ్చి అరెస్టు చేసిన కందుకూరు పోలీసులు ఆయనను కందుకూరు తీసుకు వెళ్తున్నట్టు చెబుతున్నారు. ఇక ఈ అంశం మీద అధికారిక సమాచారం అందాల్సి ఉంది. కాగా… ఈ అరెస్టుపై టీడీపీ ఆరోపణలు చేస్తోంది. మియాపూర్‌లోని తన కార్యాలయంలో ఉన్న నాగేశ్వరరావును బలవంతంగా అదుపులోకి తీసుకున్నట్టు ఆయన కార్యాలయ సిబ్బంది ఆరోపిస్తున్నారు.
